ndamê Komîteya Merkezî ya PKKyî Hêlîne Umît rojdem ANFyî rê ercna. Qiseykerdişê Umîte ra beşêk wina yo:

''Roja îmzakerdişê Peymana Lozanî ra nata têkoşînê kurdan nêqedîya. PKK rayberîya Serek Apoyî de 50 serrî yo vera qirkerdiş, înkar û îmha şer keno. Na Peymana Lozanî ra dima Kurdîstan ame îşxalkerdene. Peymana Lozanî ra dima sere wedarna û nêrazîbîyayîşê xo mojna. La înan hêzanê hegemonanê ê çaxî ra hêvî kerdêne. Têgêrayîşê ma PKKyî no red kerd. PKKyî pêro kurdê çar parçeyanê Kurdîstanî yew hesibnayî û parçebîyayîşê Kurdîstanî red kerd. Mîyanê kurdan de hînî yew meşrûtîya Peymana Lozanî nêmenda. Têgêrayîşê ma sayê şerê şarî yê şorişgêrî de resa na aste.

Hayîya Tirkîya pê nê qewimîyayîşan esta. Tirkîya hema zî vera kurdan sîyasetê qirkerdişî ana ca. Faşîzmê AKP-MHPyî serra 2015î de hêrişê xo kerdî hêrişê îşxalî. Planê Çinkerdişî yê 24ê Temmuza 2015î Peymana Lozanî xo rê referans kerde. Dewleta tirke pê nê hêrişan armanc kena ke têgêrayîşê ma bixeniqna û kurdan qir bikera. Rayber Apoyî nê planî dîyî û verî amadekarîyê xo kerdî. 

Rayber Apoyî mîyanê sîstemê îşkenceyî û tecrîdî yê Îmraliyî de hêrişan rê xo amade kerd û cewabêk awan kerd. Têgêrayîşê ma yê azadîye têgêrayîşê Rayber apoyî yo. Nika îqtîdarê AKP-MHPyî Planê Çinkerdişî ano ca. AKP-MHP îqtîdaro tewr sûcdar ê Tirkîya yo. Rejîmo faşîst ê AKP-MHPyî pê planê çinkerdişî netewe-dewleta tirke reyde ver bi rijîyayîşî şino. HDP û hêzê demokrasî prosesêkê krîtîkî ra derbaz benê. Eke HDp ser bikewo berê demokrasî do bêrê akerdene. 

Hemleya Wextê Azadîye bi taybetî Vakurê Kurdîstanî de xoverdayîşêko pîl vet werte. Dewleta tirke bi taybetî ciwananê ke rayberîya na hemle kenê, kena hedef û înan erzena zîndanî. Dewleta tirke Kurdîstan de ciwanan musnena madeya kundoxî û ê kerdişanê bînan ê pîsan. Ganî ciwanî vera ney rêxistinîya xo hol bikerê û têkoşînî geş bikerê. Serfîrazîya Garê ra dima ciwanî herikîyayî meydananê Newroze. Ganî Têgêrayîşê Ciwanan ê Şorişgêran ê Kurdîstanî nê ciwanan rêxistin bikerê. Ciwanî pê têkoşînê xo ganî îşxalkeran Kurdîstanî ra bierzê teber.

Faşîzmê AKP-MHPyî hertim Têgêrayîşê Cinîyan ê Kurdan kerd hedef la cinîyan ê kurdan qetî apey gamêke nêeşte. Têgêrayîşê cinîyan ê kurdan pê vate, metod û xeta xo ganî pratîkê xo aver berê. Ganî têgêrayîşê ma yê cinîyan sey verî ewro zî rayberîya serewedaritişanê şarî bikerê.''