Endama Komîteya Merkezî ya PKKyî Hêlîne Umît bernameyê taybetî yê Medya-Haber TVyî de hem şerê gerîlayan ercna, hem zî bale ante girîngîya kesayetê Zîlane ser.

Qiseykerdişê Hêlîne Umît ra beşêk wina yo:

''2022 serrêka taybet a. Nê prosesî de pêro têkoşînî qîmetîn ê. Zap, Avaşîn, Metîna û Xakurkê de xoverdayîş û têkoşîno tewr heybetîn yeno kerdene. Şer asta girane de dewam keno. Dewleta tirke pê pêro çekanê NATOyî hêrişê ma kena. Dewletanê bînan seba Ukrayna qîyamet kerd ra la dewleta tirke rê çîyêk nêvat. No şer xora tewr zaf tesîrê Tirkîya keno. Dewleta tirke kişteyanê xo eşkera nêkena, xora zafê leşkerê ci kîrakerde yê. Îqtîdarê AKP-MHPyî komel kerdo esîrê pereyan. 

Dişmen derbêka pîle werda la şer hema dewam keno. Ganî çew xo sist meker. Ma pê bawer ê ke embazê ma do qetî ser bikewê. Ganî komel bizano ke nê hêrişî hêrişê topyekûn ê. Têna Zap, Avaşîn û Metîna nê dişmen wazeno her cayî bivisno destî û PKKyî tasfîye bikero. Dişmen wazeno her ca de sîstemê Îmraliyî rono, komelî teslîm bigêro. Coka ganî şarê kurdî her ca de têkoşînê xo berz bikero.  Ganî komelê kurdan xeta şerê şarî yê şorişgêrî yo ke Zap, Avaşîn û Metîna de yeno kerdene, bikirişo her ca û dahîna zaf paştî bido têkoşînê gerîlayan.

Ma hê serrgêra 30. ya artêşbîyayîşê cinîyan de yê. Sere de embaze Zîlane û embaze Sema şehîdê ma yê cinîyî embazê Rayber Apoyî yê. Embaze Zîlane serra 1996î de teqayîşê Şamî hîs kerd û xîret kerd ke cewab bida ney. Embaze Sema zî Komployo Mîyanneteweyî 1998 de dî û vera ney têgêraye.

Rayber Apoyî seba Zîlane vatbi 'kulturê homatîye.' Embaze Zîlane vera qirkerdiş û kolonyalîzm hêrsbîyaye bîye. Aye mektuba xo de vat 'Ez wazena vera hêrişanê emperyalîzmanê ke cinîyan kenê kole, hêrsê xo bimojna.' Aye vera modernîteya kapîtalîste zî tewirê xo mojna. Aye krîterêko newe aferna. Embaze Zîlane krîterê cuye û xeta çalakîya fedayîye îfade kena. Embaze Zîlane kesayetêka krîterî  ya.''