Koyê Herekolî berzîya ci 2 hezar û 962 metre ya û serê ci de tim vewre est a. Ma Herekol de kampêka zimistanî ya gerîlayan de ya. Xeylêk gerîlayî kampe de est ê. 

Payîz de hêrişanê dewleta tirke ya îşxalkere de Herekol de jeneratorêk kewtbi destî ke ney gerîlayî vistî mîyanê qesawetî. Êyê ke nê koyan de manenê zanenê ke seba cuya kampe, perwerdeyo berhemdar çimeyêkê enerjî lazim o. Gerîlayî nemumkînan kenê mumkîn.

Rayîrêkê dûrî de gerîlayan jeneratorêko kahan dî. Çewî bawer nêkerdêne ke no jenerator do bixebito la dima ke Zerdeştî dest eşt ci jenerator xebitîya. Jenerator di reyî xebitîya û reya hîrêyîne hînî tewr anêbi. Hêvîya gerîlayan şikîyaye û bêvengîyêka pîle virazîyaye. Mîyanê na bêvengîye de fikrêk vejîya werte. Bi fikrê hemparî yê Zerdeşt û Mîrzayî bire dîyaye ke enerjîya alternatîfe bêra peydakerdene.

Mîrzayî verî kampan de dînamoya jeneratoranê xeripîyayeyan vetêne û enerjîya roşnîye vistêne destî. Mîrzayî reyna heman çi pêşkêş kerd. Ganî kampe roşnî bibîyêne û hacetê teknîkî yê sey kamera biameyêke şarjkerdene. Çunke Botan de karê çapemenîye û arşîvî ameyêne kerdene. Zerdeşt û Mîrza cade têgêrayî. Mi zî bi coşî û kelecanêkê pîlî ê teqîb kerdêne.

Netîceya ceribnayîşê peydakerdişê enerjî de tay malzemeyê teknîkî yê qijî îmha bîyî la dînamoyêk ame destvistene ke jeneratorî ra zêdeyêr tira enerjî peyda bena.

Çimeyê ma yê enerjî dînamo şewe û roje hetê ma ra zivirnaye bi. Enerejîya ke ma rê lazim bîye amebî peydakerdene. 

Herekol cayêko winasên o ke zimistanî tede vewre bena 10 metre. Gerîlayî hem seba asayîşê xo hem zî vewre ra zimistanan nêvejîyenê teber, Herekol de binê erdî de manenê. Gerîlayî bi fikr û hîsê xo nê cayan kenê germ û roşnî. Koyî bi nê têkoşînê manadarî yê gerîlayan benê cayanê fîrazan. Her fikr û çalakîya gerîlayan de hêvîyêka pîle, waştiş û kedêka pîle est a.