Gerîlaya YJA Starî Berfîne Rêbaz hêrişê îşxalî yê dewleta tirke yê vera Herêmanê Pawitişî yê Medya û xoverdayîşê gerîlayan ercna.

Rêbaze Rojavîna ke bi yadkerdişê şehîdanê menga gulane dest pê qiseykerdişî kerd ard ziwan ke ê pê ruhê şehîdanê gulane têkoşîn kenê. Rojavîne vat: ''Dişmen bi metodanê wehşîyan hêrişê waranê gerîlayan keno. Her kes xora nayî vîneno û zano. Metîna, Heftanîn, Garê, Zap, Avaşîn û Herêmanê Pawitişî yê Medya de xoverdayîşêko pîl esto. Herêma Derarê yê Metîna de xovêrdayîşêko pîl esto.

Xoverdayîşê gerîlayan hêrişê dişmenî şikneno. Xora dişmen medaya xo de bi xebaranê zuran xo wasifeneno û îdîa keno tay cayî girewtî. La raştîye wina nîya. Xoverdayîşê gerîlayan hetê ekonomî û leşkerî ra derbanê pîlan dano dişmenî ro. No zî hêrişê înan pûç vejeno. Dewleta tirke bi taybetî herêma sînorî de hêriş kena ke sîyasetê xo bido domnayene la seba ke gerîlayanê HPG û YJA Starî ra derbanê pîlan wena nêeşkena wina bikero. Dişmen se keno wa bikero do nêeşko bikewo waranê ma. Eke biwazo aver şiro do raştê xoverdayîşê pîlî bêro. Çarçewa Hemleya Cengê Xabûrî de herra Kurdîstanî dîşmenî ro do bibo mezel.''

Gerîlaya YJA Starî Berfîne Rêbaz seba ke Başûrê Kurdîstanî paştî dana dewleta tirke nêrazîbîyayîş mojna wina veng da şarê Başûrî: ''Ez wazena sey cinîyêka başûrije qisey bikerî. PKK xoverdayîş û serkewtişî hedef keno. Dost û dişmenî rind bisarisnê. Bitaybetî îqîtîdarê Barzanîyî rind bisarisnê. Ewro eke dewleta tirke hêrişê sînorî kena, no bi destûrdayîşê îqtîdarê Barzanîyî beno. Gerîlayî tim xover danê la ganî şar zî paştî bido xoverdayîşî. Ganî şarê ma yê Başûrî vera hêrişan çalakîyan de bo. Bitaybetî ez wazena veng bidê cinîyan ê Başûrî. Wa çalakîyan bikerê. Azadîye semedê ma zaf muhîm a. Azadîye semedê şarê kurdî sey nan û awe hewce kena. Eke şarê Başûrî vera hêrişê îşxalî mevejîyo herra ma do bêro îşxalkerdene. Eke şar û gerîlayî xoverdayîşê xo bikerê yew serkewtiş beno garantî. Şarê kurdî û gerîlayî do ser bikewê.''