Heyetê RJAKî ke serrgêra Qirkerdişê 3ê Tebexa 2014î de Şingal de êzidîyî zîyaret kerdî, hela agêrayîşî de dekewtişê Hewlêrî de hetê asayîşê PDKyî ra ame destbenkerdene.

Îdarekarê RJAKî Xewla Mihemed Hesen û Ciwana Ebdulbaqî û endam RJAKî Seyrane Ehmed Hesenî ra çar rojî yo xebere nêna girewtene.

Goreyê xebera Rojnewsî Endamê Meclîsê Pêroyî yê RJAKî Wîjdane Nuredîn vat: ''Endamê me înan gama ke Şingalî ra agêrayêne nêzdîya Kelekî de ameyî destbendkerdene û hema zî nêameyî veradayen. Hema nêno zanayene ke ê qey ameyî destbendkerene. Rêxistina ma hem herêma Kurdîstanî de hem zî Iraq de xebatanê xo bi hewayêkê fermî rayra bena.''