Şaristanê Hîldesheîmî yê Almanya de  rayberîya Komuna Şehîde Meryeme de çarçeweya hemleya "Seba azadîye û vurnayîşî ti zî wurze payan ser" standê dazanayîşî yê di rojan ame akerdene.

Çalakîya standê dazanayîşî ya ke verê Dêrê Jokobî de ameye viraştene, Kurdê ke Hîldesheîm û der û dorê ci de ciwîyenê tewrê ci bîyî. Çalakîye de broşurê ke hetê TJK-E ra ameyî amadekerdene hem ameyî wendene hem zî ameyî vilakerdene. Vernî û di kiştê xeyma standî de pankartî ameyî daliqnayene û xeyme pê flamayanê TJK-E ameye pirrkerdene.

Çalakîya ke roja pancşeme ameye viraştene pê slogananê "Cinî, cuye, azadîye" û " Cinîyî xo ver bidê, azadîye nêzdî ya" qedîyaye.

Armancê hamle ya "Seba azadîye û vurnayîşî ti zî wurze payan ser" ya ke hetê Têgêrayîşê Cinîyan  ê Kurdan ê Ewropa ra aşma Temmuze de ameye  destpêkerdene wina yeno kilmvatene:

"Na hamle hedef kena ke pêro asteng û famkerdişê verê cinîya azade û komelê azadî ra wedara. Newe ra rêxistinbîyayîşê cinîyan ser hîs û fikran û sazkerdişê cuye goreyê paradîgmaya komelê azadî, rayîrê amayox o azadî yê komelan o."

Çerçeweya hemle de armancê: seferberîya perwerdeyî, bendê çalakî yê xurtî verba îşxal, qirkerdiş û qirkerdişê xozaye, sazkerdişê bend ê têkoşînî yê şîdetê verba cinîyan, rêxistinkerdişê dezgehan ê doman û cinîyan, rêxistinkerdişê dezgehan ê xopawitişî, sazkerdişê bendan ê herayan ê rêxistinkerdişan.