Hemsereka Konseya Rayberdişî ya KCKyî Besê Hozat bi wesîleya 25ê Teşrîna Peyêne  Roja Têkoşînê Mîyanneteweyî yê  Vera Şîdetê Serê Cinîyan qisey kerd.

Hozate vat: "Faşîzm xo dişmenîya cinîyan, komelî û xozayî ser o awan keno. Îqtîdarê AKP-MHPyî qirkerdox û çinkerdox o. Îqtîdarê înan dişmenê cinîyan o. Bi hêrişê vera cinîyan û erjê merdimîye estbîyayîşê xo dewam keno.  Têkoşînê azadîye yê cinîyan, dînamîkê demokratîk ê komelî ganî têbigêrê. Îdeolojîyê pederşahî hetê îqtîdarê faşîst ê AKP-MHPyî ra yeno geşkerdene û vera cinîyan şer û teda yenê pîlkerdene. Cinîyî tewrê sîyasetî benê, sîyasetê demokratîk kenê, çarçewa şaredarîyan de cuya têdûşte û azade awan kenê. Îqtîdaro faşîst nêverdeno ke cinîyî warê sîyasetî de ca bigêrê. Naye ra ganî têkoşînê cinîyan ê vera îqtîdarê AKP-MHPyî kolektîf û hempar bo. Nika wezîfeyo verên no yo ke têkoşînê cinîyan o demokratîk o hempar bêro xurtkerdene.

Bi yewîya têkoşînê cinîyan hewce esto. Têkoşînê cinîyan o demokratîk o hemapar yê herême û mîyanneteweyî yeno meneya xopawitişê tewr pîl ê heme cinîyan. Sîstemê hemserekîye, projeyê hemcuya azade destkewteyê pêro cinîyan ê Kurdîstanî, Tirkîya, Rojhelatê Mîyanên û dinya yê. Hêrişêkê vera nînan yeno kerdene vera azadîya cinîyan zî yeno kerdene. Naye ra ganî heme cinîyî wayîrê erj û destkewteyanê xo bivejîyê. Hêrişê vera Rojawanî, hêrişê vera Vakur û Rojhelatê Sûrîye hêrişê vera erjanê merdimîye, hêrişê vera hêvîyanê cuya azade yê merdimîye yê. Coka wîjdanê merdimîye seba Vakur û Rojhelatê Sûrîye ganî nêrazîbîyayîşê xo bimojno.

Ma do bi yewîya cinîyan, bi kombîyayîşê dormeyê erjanê cinîyan û bi xoverdayîşê cewherê cinîyan rayberîya 25ê Teşrîna Peyêne yê Roja Têkoşînê Vera Şîdetê Serê Cinîyan bikê. Seba ke hêzê ma esto ma têkoşînê xo yê vera şîdetî her wext dewam bikê û dinyayêka bêşer û bêteda awan bikê."