Goreyê doneyanê Jinnewsî menga temmuze de 27 cinîyî hetê merdimanê xo ra ameyî qetilkerdene. Nê 27 cinîyan ra 4 tenî hêrişê nîjadperestî yê vera keyeyê Dedeogullariyî de ameyî qetilkerdene. Jinnewsî pare kerd ke temmuze de 8 cinîyî bi hawayêkê şikdarî merdî, 7 cinîyî qirkerdişî reyde têrî mendî. 

Goreyê ajansî temmuze de 4 domanî ameyî qetilkerdene, 11 domanî maruzê hêrişê cînsî mendî, 16 domanî qirkerdiş û şîdetî reyde têrî mendî û 2 domanî zî bi hawayêkê şikdarî merdî.

Jinnewsî da zanayene ke 27 cinîyan ra 9ê ci hetê mêrdeyê xo ra, 2 cinîyî  prosesê abirîyayîşî de hetê mêrdeyê xo ra, cinîyêke hetê lajê xo ra, cinîyêke hetê babîyê xo ra, cinîyêke hetê dadîya xo ra, 4 cinîyî zî hetê camêrdanê hêrişkeran ra ameyî qetilkerdene.