Jinnewsî raporê şîdetî yê menga tebaxe eşkera kerd.

Goreyê raporî  menga tebaxe de 30 cinîyî û 6 domanî ameyî qetilkerdene, 18 cinîyî û 3 domanî zî bi hawayêkê şikdarî merdî.

Netîceya polîtîkaya şerê taybetî de Vakurê Kurdîstan de şîdetê unîformekerdeyan zêdîyayo. Raporê Jinnewsî de zî ame vîrvistene ke Şirnex de Fîrdevse Babata 17 serre hetê qoricî Ahmet Bababî ra ameya qetilkerdene û kekê ey zî pê sûcdarîya tecawuzî tepişîyayo.

 Goreyê raporî 12 cinîyî hetê camêrdanê ke tede zewijnaye bîyê ra, 2 cinîyî hetê mêrdeyanê xo yê verênan ra, 3 cinîyî hetê camêrdanê  ke waştêne tira cîya bibê ra, 3 cinîyan hetê cîrananê xo ra, 2 cinîyî hetê lajanê xo ra, cinîyêke hetê merdimê xo ra, 1 cinîye hetê waştîyê xo ra ameyî qetilkerdene û faîlê 5 cinîyan zî nêzanîyenê.