Jîyargeyê Duzgun Babayî de yadkerdişê qurbananê Madimakî

Qurbanê Qirkerdişê Sêwasî (Madimak) qezaya Qisleyî ya Dêrsimî de Jîyargeyê Duzgun Babayî de pê lawikan ameyî yadkerdene.

Qurbanê Qirkerdişê Sêwasî (Madimak) qezaya Qisleyî ya Dêrsimî de Jîyargeyê Duzgun Babayî de  ameyî yadkerdene. Seba qurbanan çirayî ameyî tavistene, lawikî ameyî vatene. Xeylêk temsîlkarê dezgeh û partîyan ê sîyasîyan û hemwelatîyî zî tewrê eşkerayîye bîyî. Eşkerayîye Cemxaneyê Duzgun Babayî de ameye kerdene.

Serekê Cemxaneyî Sînan Kirmiziçîçekî eşkerayîye wende û vat: ''Qirkerdişê Sêwasî hetê serdestan û hêzanê murtecîyan ra ame kerdene. Kiştoxê qirkerdişî bîyî wekîl, dîyarîye dîyaye nînan. Ma sey Elewîyan qirkerdişê sey Mereş, Çorum, Dêrsim, Qoçkîrî, Sêwas dîyî, xeylêk canê xo vîn kerdî. Pê polîtîkaya asîmîlasonî ame waştene ke ma kok û tarîxê xo ra cîya bibê.''

Eşkerayîye ra dima pîranê Ocaxê Mansur Babayî ra Bakî Aydinî gulbangî dayî, çirayî ameyî tavistene û loqmayî ameyî vilakerdene.

Merasîmê yadkerdişî pê lawikan qedîya.