Paytextê Afganîstanî Kabil de verê Sersefîrîya Berze ya Îranî de cinîyan bi çalakîyêke paştî daye xoverdayîşê cinîyanê Îran û Rojhelatê Kurdîstanî û çalakîye de sloganê 'Cinîye, Cuye, Azadîye' berz kerd.

Goreyê AFPyî çalakîkeran 15 deqayan sloganî berz kerdî. Hêzanê Talîbanî zî guleyî verdayî hewa û mudaxeleyê çalakîye kerd.

Çalakîye de cinîyan vat ''Îran wurzeno we, nika dora ma ya'' û ''Kabilî ra heta Îranî dîktatorî rê vajê ney.''

Dîya zanayene ke hêzanê Talîbanî wexto ke hêrişê çalakîkeran kerdêne zor da rojnamegeran ke dîmen û fotografan nêgêrê.