Çarçewa 25ê Teşrîna Peyêne Roja Têkoşînê Vera Şîdetê Serê Cinîyan de Platformê Ma do Verê Qetilkerdişê Cinîyan Bigêrê û Meclîsê Cinîyan zî tede 9 rêxistinanê cinîyan waşt ke Warê Îskeleyî yê Kadikoyî de çalakîyêke bikerê. Qeymeqamî qedexeyê çalakîyan naro.

 Cinîyan qedexeyo keyfî yê Qeymeqamîya Kadikoyî nêşinasna û çalakîye kerde. Cinîyan bi sloganî vatî. Polîsan cinîyî girewtî binê ablûqa, rojnamegerî bi zorî dûrî vistî.

Cinîyan rixmê astengîyan zî bi hawayêkê pêserî ver bi Îskeleyê Emînonuyî rayraşîyayîş kerd. Polîsan bi îşkenceyî cinîyî destbend kerdî. Sekretera Platformê Ma do Verê Qetilkerdişê Cinîyan Bigêrê Fîdane Ataselîm zî tede 70 cinî berdî Mudirîya Asayîşî ya Vatanî.