Hemsereka HDPyî ya Wanî Handane Karakoyun derheqê dewaya qefilnayîşê HDPyî de ANFyî rê qisey kerd.

Karakoyune pare kerd ke AKP-MHP wazenê HDP teberê sîyasetî de verdê la HDP wayîrê tradîsyonê têkoşînê sîyasî yo. Karakoyune vat: ''HDP rixmê pêro teda, destbendkerdiş, tepiştiş û zulmî têkoşînê xo rê dewam keno û rayîrê nê têkoşînî geş keno.''

Karakoyune qirkerdişê Denîze Poyraz vist vîrî û vat: ''Armancê ê hêrişî qirkerdişêko pîl bi. Wezîrê Karanê Zereyî Soyluyî çend reyî partîya ma kerde hedef. Soyluyî verî zî vatbi rayberê HDPyî cinî yê. Ê HDPyî ra temsîlîya cinîyan a HDPyî ra tersenê. Coka hêrişê vera embazanê ma yê cinîyan zî zêdînayî.''

Karakoyune derheqê qefilnayîşê HDPyî de win vat: ''Ê eşkenê HDPyî biqefilnê la HDP îradeyê 6 mîlyonan o. Weçînayîşê peyênî de zî ame dîyene ke bê kurdan sîstemêko demokratîk çin o. HDP de zî nêbo kurdî eşkenê partîyêka bîne de wayîrê îradeyê xo vejîyê.''