Tevgêrayîşê Şorişgêrî yê Yewbîyayeyî yê Cinîyan (KBDH) bi beyanatêkî, endama sazkerdoxe ya Komîteya Merkezî ya DKP/BOGî Aynure Ada (Goze Altunoz) a ke Til Temirî de şehîd bîye yad kerde.

Beyanatî de ame parekerdene ke Ada ciwanîya xo de vera nêheqîye werişte payan ser û dest pê têkoşînê rêxistinbîyayîşî kerd, bi tewirê milîtane xo resna erdê Rojawanî. Beyanatî de ame vatene: "Embaze Ada xeta Til Temirî de vera îşxalê Dewleta Tirkan a faşîste hem bi karanê xo yê Taburê Azadîye yê Enternasyonalîstî hem zî embazan xo, şarî reyde bi têkilîya xo tim raybere bîye. Bi şewan û rojan bi coşî û moralî berpirsîyarîya xo ya şorişgêrîye arde ca."