Vervatoxa KBDHyî Hêvî Sarya serrgêra ronîyayîşê Têgêrayîşê Şorişê Yewbîyayeyî yê Cinîyan (KBDH) bi vîdeoyêkî fîra kerde.

Hêvî Sara pare kerd ke têkoşînê înan ê seba sosyalîzmî û şorişî do qetî ser bikewo û vat: ''Têgêrayîşê ma 8ê Adara 2018î de seba têkoşînê azadîya cinîyan û şorişê cinîyan ronîyabî. Ma sereberz ê ke ewro ma çeperêkê têkoşînî yê girîngî de yê. Ma ronîyayîşê têgêrayîşê xo fîraz kenê. KBDH têkoşînê vera serdestîya camêrdan, kapîtalîm û sermaye de wayîrê cayêkê girîngî yo. KBDH yewîya cinîyan temsîl keno. Ma xîret kenê ke pêro herême de seba şorişê cinîyan gamanê girîngan bierzê.

Tirkîya û Kurdîstan de têkoşînê ma yê vera serdestîya camêrdan, sermaye û faşîzmî qetî do ser bikewê. Vera sermaye, faşîzmî û serdestîya camêrdan ma venga cinîyan danê ke serewedaritişî pîlêr bikerê û ver bi şorişê cinîyan şorê. Ya serkewtiş, ya serkewtiş.''