Platformê 'Ma Do Verê Kişîyayîşê Cinîyan Bigêrê' (KCDP) da zanayene ke teşrîna verêne de camêrdan 34 cinîyî qetil kerdî, 26 cinîyan bi hawayêkê şikdarî dinyaya xo bedilnaye û 10 mengan de zî 275 cinîyî ameyî qetilkerdene.

Platformî pare kerd ke goreyê teşrîna verêne ya pare cînayetê cinîyan se ra 88 zêdîyayê. Goreyê KCDPyî 2 cinîyî bi bahaneyanê ekonomîkan, 11 cinîyî seba ke waşt ke cîya bibê, nêzewijê yan zî têkilîyêke virazê ameyê qetilkerdene û sebebê qetilkerdişê 21 cinîyanê bînan nêzanîyenê.

Platformî vat: ''18 cinîyî hetê camêrdanê ke tede zewijnaye bîyê ra, 1 cinîye hetê camêrdo ke tira verdîyabi ra, 2 cinîyî hetê camêrdanê ke tede waştîye bîye ra, 1 cinîye hetê camêrdo ke waştîya ci ya verêne bîye ra, 2 cinîyî hetê merdimanê xo ra, 2 cinîyî hetê babîyê xo ra, 1 cinîye hetê birayê xo ra, 6 cinîyî hetê nasanê xo ra û 1 cinîye zî hetê nenasêkî ra ameyî qetilkerdene.''