Meclîsanê Cinîyan ê Platformê 'Ma do Verê Kişîyayîşê Cinîyan Bigêrê' (KCDP) pê şîarê 'Qanûnê Bingeyî û peymane bîyarê ca' dest pê xetêka newîye ya têkoşînî kerd. Meclîsanê Cinîyan na çarçewe de 16ê gulane de 6 welatan û 73 şaristananê Tirkîya de pê beşdarîya 750 endamanê xo kombîyayîşêko online kerd. Kombîyayîş de tay birî ameyî girewtene. Birî wina yê:

''-Ma do pêro şaristanan de vengê 'Qanûnê Bingeyî û peymane bîyarê ca' berz bikerê. Vera neheqîye û bêhuqûqîye ma do waran de bi girseyan çalakîyan bikerê.

-Ma do kategorîyanê komelî yê ke vera bêhuqûqîye têkoşîn kenê reyde metodanê neweyan biafernê.

-Ma do pê tecrubeyanê xo yê têgêrayîşê cinîyan rayîr bidê muxalefetê komelkî. Sey têkoşînê seba vergirewtişê kişîyayîşê cinîyan ma dı nê têkoşînî zî pê armancî bikerê.

-Senî ke ma qala 6284î pêro komelî rê vate ma do her ca de qala ci bikerê ke Qanûno Bingeyî zî pê caardişê ci mesuldar o.

-Vera fermannameyanê bêhuqûqîyan ma do muracatê huqûqî bikerê. Ma do seba betalkerdişî muracatê Mehkemeya Şêwirmendîye bikerê.

-Nêzdîbîyayîşê betalkerdişê Peymana Îstanbulî de 1ê temmuze de ma do xeta xo ya têkoşînî ser o Peymana Îstanbulî bivisnê vernî û pêro welatî de wurzê payan ser.''