Hemserekîya Rayberdişî ya KCKyî seba nuştox, sîyasetmedar û şaîr Hamît Geylanîyî mesajê serweşîye weşana ke vizêr dinyaya xo bedilnabî. Mesaj wina yo:

‘’Ma bi xemgînî musayê ke welatperwerê ercîyayeyî Hamît Geylanîyî dinyaya xo bedilnaya. Ma sere de keyeyê ey rê pêro dost û nasanê ey rê, şarê Colemêrgî yê welatperwerî rê, têgêrayîşê kurdan rê û şarê kurdî rê serweşîye wazenê.

Hamît Ceylanî verê dejanê şarê kurdî de bêveng nêmend û bi mesuldarîya xo warê sîyasetê demokratîkî de cagirewt. Ey pa embazanê xo serkêşîya têkoşînê demokrasî û sîyasetê demokratîkî kerde. Geylanî heman wextî de nuştox û roşnvîrêk bi. Ey têkoşîn, welatperwerîye, dejê kurdan û hişyarbîyayîşê kurdn bi hunerê xo ardî ziwanî. 

Sey embazanê xo embaz Hamît Geylanîyî zî zehmetîyê pîlî dîyî, tedayî dîyî, tepişîya, îşkence dî. La rixmê nînan zî ey têkoşînî ra fek vera nêda. Coka ma verê têkoşînê ey ê manadar û ercîyayeyî de bi rêzî sereyê xo anê war.’’