Herêma Zapî seke mabed û stargehê gerîlayan o.  Gerîla Jiyane Cudî qala herêma Zapî kerde.

Gerîlaya YJA-Starî Jiyane Cudî hîsanê xo wina ana ziwan: ''Mi Zap de dest pê gerîlatîye kerd. Ez bi xo herêma Zapî de gerîlatîye musaya û mi gerîlatîya xo Zap de aver berde. Gerîlatîya koyanê Zapî û embazîya ci kesayetê mi rê zaf tesîr kerd. Tecrubeyo ke mi tîya de girewt bi wesîleya xoşinasnayîşê mi. Xeylêk vîrameyîş û serebûtê ke ez Zap de ciwîyaya qet vîrê mi ra nêşinê. 

Zap warêko winasêno ke xeylêk zehmetîyê ci estê. La her çend zemhetîyê ci estbê zî nê zehmetîyî  îrade û bawerîya merdiman xurtêr kenê. Mi bi xo mîyanê nê zehmetîyan de xeylêk tecrubeyî û qezançê pîlî vistî destî.''