Ofîsê Kerkûkî yê Komîsyonê Berzî yê Heqanê Merdiman ê Iraqî da zanayene ke têna Kerkûk de 6 menganê verênan ê serre de tewr tay 50 cinîyan xo kişt û 286 serebûtê şîdetî qewimîyayî. No yeno a mana ke her hewte 2 cinîyî xo kişenê û 11serebûtê şîdetî qewimîyenê.

Kerkûk de 2019 de zî 89 cinîyan xo kişt.

Komîsyonî îfade kerd ke semedê cinîyanê ke şîdet vînenê stargeh çin ê û na mesele Bexdad û Herêma Kurdîstanî de zî esta.

Dezgehê Têkoşînê Vera Şîdetê Serê Cinîyan û Keyeyî yê Başûrê Kurdîstanî 28ê êlule de dabi hesnayane ke temmuze û tebaxe de 8 cinîyan xo kişt, 4 cinîyî kişîyayî û 7 cinîyan xo vêşna.