Karkerê serrwextî yê kurdî maruzê hêrişê nîjadperestî, neheqîye û kedwerdişî manenê. Karkerê serrwextî destpêkê wisarî de kewenê rayîr û şinê şaristananê cîya-cîyayan de xebitîyenê.

 Karkerê serrwextî ya şirnexije Elîfe Bîngîna ke Adana de xeyma karkeran de manena Jinnewsî rê qala zehmetîyanê karê xo kerde.

Elîfa 26 serre pare kerd ke 10 serrî ya a karkerîya serrwextî kena û vat: ''

Bi seyan kedkarê ke kewtê rayîr, yew ci ra zî Elîf Bîngîn (26) problemêk ciwîyaya qal kerd. Elîfe dîyar kerd ke aye 10 serrîya xo de dest bi xebate kerda û vat: "Tirkîya de tewr zêde karkerê serrwextî zahmetîyan ancenê. Ma serê sibayî rew wurzenê, heta şanî xebitî yenê. Ma binê germî de xebitî yenê. Ma hamnanî semedê germ û zimistanî zî semedê serdî mîyanê zîyanî de xeylêk zehmetî ancenê. Çadirê ma zî çadirê tewr xirab ê. Ma waştêne ke kedkaranê serrwextî  rê zî keyeyî bivirazîyê. Ma cilanê xo zî bi destê xo şunê.  

Pîyê mi çend serrî verî rehmet kerd. Ez dayîke û birayê xo dir manena. Nika tena ez xebitîyena. Cayê ma de îmkanê karî çin o. Eke şaristanê ma de îmkanê xebate bibayêne, ma nêameyêne tîya. Ma semedê problemê debare yenê tîya. Bi heqdestêk kêm ma hewl danê faturayê ke her roje zam kenê, bidê. Rojane ma 80 TL gênê. Tenekeyê rûnî ser ra kêm çin o. Ma semedê vayî nêeşkenê debara xo bikerê. Ma serê sibayî ra heta şanî de xebitîyenê, bi pereyê ke ma gênê ma eşkenê çend zeytûnan bigîrê. Ma nêeşkenê lazimîyanê xo bi ca bîyarê."

Elîfe tewr peyîn îfade kerd ke bara cinîyan tewr giran a û vat: "Ti şina keye de zî xebitîyena. Zehmetîya tewr pîle cinîyî nê wareyî de ciwîyenê. Heme baer serê paşta cinîyan de ya. Çi heyf komelî no bar dayo serê milê cinîyan."