KESK: Sîstem do hetê gijikê cinîyan ra bêro rijnayene

Meclîsê Cinîyan ê KESKî yê Îstanbulî verê Sersefîrîya Îranî de qetilkerdişê Jîna Emînî protesto kerd û vat: ''Sîstem gijikê cinîyan ra terseno, do hetê hetê cinîyan ra bêro rijnayene.''

Meclîsê Cinîyan ê KESKî yê Îstanbulî qetilkerdişê Jîna Emînî verê Sersefîrîya Îranî de protesto kerd. Polîsan dormeê çalakîkeran girewt. Cinîyan pankartê 'Ma her ca de xo ver bidê' akerdî û sloganê sey 'Cinîye, Cuye, Azadîye' vatî.

Nameyê Meclîsê Cinîyan ê KESKî ser o Bîrcane Dal eşkerayîye wende û vist vîrî ke  cinîyî vera rejîmê Îranî têkoşîn kenê û ê hetê cinîyan de yê. Dale ard ziwan ke cinîyî ancax bi têkoşîn û xoverdayîşî eşkenê sîstemê pederşahîye ra xo bixelisnê û vat: ''Sîstem gijikê cinîyan ra terseno, do hetê hetê cinîyan ra bêro rijnayene.''

Çalakîye bi sloganan qedîyaye.