Hemsereka ÎHD’yî Eren Keskîne derheqê îşkneceyo ke welat de çend şino zêdîyeno de ANF’yî rê qisey kerd.

Keskîne bale ante ke hukmatê AKP’yî bi dewleta xorîye pêkerde û polîtîkayê hêrişkarî yê serranê 1990’ine  peyser ardî û vat: ’’Na sîstem teyna bî xoverdayîş yena rijnayene. Sey weçînitişê Stenbolî eke vera nêheqîyê û binpaykerdişê heqan  veng bibo berz na sîtema hêrişkare rijîyena. Şîdet bi destê dewlete yeno meşrûkerdene.''

Dîmenî îşkenceyî, îşkenceyê ke gerîlayê ke kewenê dest înan rê benê, medyaya sosyalede bi destê dewlete yenê vilakerdene. Tay hetî zî binê nê dîmenanê îşkenceyî de fîkrê xo nusenê û îşkenceyî tesdîq kenê. Bi nê dîmenan şaran yewbînan ra fînenî dûrî û tersnenê. Bi sebebo ke şîdet wina yeno meşrûkerdene, vernîya ci abeno şîdet zêdîyeno. Îşkenceyo biceyran o ke xeylî wexto ke nêameyêne eşnawitene û zî Xelfetî de reyna kewt rojdem. Ma eşnawite ke nezaret de bitaybetî zî cinîyan rê îşkenceyê biceyranî ameyo kerdene.

Xora Mehmet Agar semedê Wezîrê Karanê Zereyî Suleyman Soylûyî vatbi ke ‘ O lajê min o, mi o weye kerd’. Goreyê naye zî îşkenceyê ewro û demê Agarî sey yewbînî yê.  La  seba dewlete îşkencekerdiş  sey serranê 90’ine rehet nîyo. Ewro bi medyaya sosyale xeberî vila benê. Ê nêeşkenê sey verî binimnê. Xora heta bînî ra zî vera nêheqîyan nika vengo berz vejîyeno. Weçînitişê Stenbolî de heme hetî bîyo yew û vera îtîfaqo faşîstî sere wedart. No semedê şaran bi umîdêko gird û ez bawer kena ke do dewamê nê bêro.’’