Şaristanê Kirmaşanî yê Rojhelatê Kurdîstanî de cinîya ciwane Arzû Olfetî Goldestê (35) hetê dezayê ci Emîr Olfetî Goldestê (38) ra ameye qetilkerdene.

Goreyê şahîdan camêrdê kiştoxî semedo ke teklîfê zewajî qebul nêkerdo cinîya  ciwane qetil kerde. Şahîdan pare kerd ke camêrdê kiştoxî  pê wesayîtê xo qestî ra da wesayîtê Arzû ro. Hêriş de Arzû cayê serebûtî de dinyaya xo bedilnaye, waya aye zî bi giranî birîndar bîye. Şahîdan da zanayene ke camêrd Emîr Olfetî Goldestê cenazaya Arzû wesayîtî ra vete û 3 guleyî nayî pa.