Kitabê 'Jin Jiyan Azadî' yo ke hetê Enstîtuyê Andrea Wolf ê Jineolojî ra nusîyabi û 2020 de amebi çapkerdene, ame açarnayene îtalyankî ser.

Kitab şaristanê Milanoyî yê Îtalya de bi kombîyayîşêkî dîya şinasnayene. Kombîyayîş hetê Rete Jin a Îtalya û Komîteya Jineolojî ya Îtalya ra ame serûberdkerdene.

Kombîyayîş de xeylêk cinîyî ameyî yewca.

Kombîyayîş de şerê gerîlayan ê vera dewleta tirke ya îşxalkere zî ame ercnayene û seba ke PKK lîsteya terorî ra bêro vatene îmzayî ameyî arêdayene.