Koordînasyonê KJKyî bi wesîleya serrgêra Şorişê Rojawanî mesajêko nuştekî weşana. Mesajê KJKyî wina yo:

''Seserra 21. de paradîgmaya azadîye ya Rayber Apoyî pê têkoşînê PKKyî bîye seserra gandarbîyayîşê şarê ma. Şorişê Rojawanî reyde Rojhelatê Mîyanênî û Kurdîstanî pê paradîgmaya Rayberîye, cinîyan û şaran xo îfade kerd, reng û îradeyê xo vetî werte.

Şorişê Rojawanî şorişê cinîyan ser o ronîya. Cinîyî pêro dinya ra bi hawayêkê aktîfî tewrê nê şorişî benê û morê xo danê binê tarîxî. Rayberîya cinîyan de cuya newîye yena awankerdene. Şorişê Rojawanî şorişê cinîyan o û merdimîye yo. Cinîyan ê kurdan nê şorişî de vera DAÎŞî şer kerd û  cewherê xo eşkera kerd. Pêro dinya dî ke cinîyê kurdî bi rêxistinîya xo eşkenê se bikerê. 

Şorişê Rojawanî îsbat kerd ke xoîdarekerdiş û xopawitişê cinîyan çend girîng ê û cuya azade pê xopawitişî eşkena bêra awankerdene. Hetê bînî ra heta ke cuya alternatîfe nêra awankerdene serkewtişê mendeyî nêrê caardene. Şorişê 19ê Temmuze bi hêvîya keyeyanê şehîdan, şarê ma, cinîyan û pêro merdimîye.Şorişê Rojawanî serra 10. de bena hêvîya merdimîye. Şorişê Rojawanî şorişê afernayîşê cuya azade û têdûşte ya. Şorişê afernayîşê cuya azade ya cinîyan o.

Pawitiş, geşkerdişê Şorişê Rojawanî esasê xopawitiş û rêxistinkerdişî yê xeta azadîya cinîyan biratîya şaran ser o pîl beno. Pê pratîzebîyayîşê paradîgmaya demokratîke, azadîwaştoxe û ekolojîke ya Rayberîya ma, tarîxê merdimîye de ferasetê şorişêkê neweyî geş bîyo. Şorişê Rojawanî bîyo warê îdeolojîya Rayber Apoyî. Rayberîya cinîyan ê azadan de neteweya demokratîke Rojawan de bena raştikêne. Şarê kurdî, erebî, tirkmenî, armenî, suryanî, keldan û çerkesî Rojawan de pê renganê xo yê cuye xo newe ra rêxistin kenê.

Nê esasî ser o ma serrgêra 9. ya Şorişê Rojawanî ya pêro cinîyan, şarê xo û bawerîyanê xo fîraz kenê. Şorişê Rojawanî pê xoverdayîş, kede û têkoşînî beno hêvîya cinîyanê Rojhelatê Mîyanênî û dinya. Şorişê ma yê Rojawanî pêro merdimîye rê fîraz bo.''