Koordînasyonê KJKyî bi wesîleya serrgêra Qirkerdişê Mereşî eşkerayîyêk daye. Eşkeryîye ra tayî cayî wina yê:

''Dewleta tirke bi hawayêkê sîstematîkî qirkerdişan rê dewam kena. Sey qirkerdişê Robaskî  û Mereşî pêroyê qirkeridişê dewlete bi polîtîkaya îmha û înkarî  yeno waştene ke heme grûbê îttîqtan, muxalîf, şar, cinî û kulturê ke cîyayî bêrê çînkerdene. Qirkerdişê Mereşî bi waştiş ke tehdîtkerdişê Têgêrayîşê Azadîye yê Kurdî û qirkerdişê şarî ame kerdene. Bi nê qirkerdişî elewîyê kurdî û cinîyê ke cigêrayîşê azadîye de bî ameyî cezakerdene. Mereş de bi destê dewlete wexto ke derg elewîyî cayê înan ra ameyî vetene û herinda înan de tirkê nasyonalîsî ameyî cakerdene. Mîyanê her hîrê dewanê elewîyan de miheqeq dewêka tirk-sunnîye ameye cakerdene. No nêzdîbîyayîşo polîtîk ê vera elewîyanê kurdan o.Xora elewîyî timûtim hedefê hêrişanê dewlete yê. Cayê bimbarekî yê elewîyan ameyî rijnayene û elewîtîye qet yew wext zî sey warê îtîqatî nêameye dîyene. Heme cayê îtîqatî yê elewîyan ameyî  vêşnayene û rijnayene. Elewîyan cem û rîtuelê xo tim mîyan rayra berdî ke domananê xo asîmîlayonî ra bipawê.

Nê qirkerdişî de bitaybetî cinîyî hedef ameyî girewtene. Xeylêk cinîyî ameyî qetilkerene û êyê ke waş mendî zî tiravmayê giranî antî. Aslîmîlasyon tewr zaf cinîyan ser tesîr kerd. Cinîyê ke hem îtîqat hem zî kulturî kirişenê ameyî pasîfkerdene. Kulrutê dadîtîye derbeya girde werde. Her çiqas her keye de nameyê Dayîka Elîfe bibo zî nasanmeyê xoverdayîşê aye bi asîmîlasyonî ame çînkerdene. Ewro no ruh Têkoşînê Azadîye de newe ra bi ganî. Şehîda verênê ya Têgêrayîşê Azadîye yê Kurdî Besê Anuş û teqîpkarê aye Zeynebe Kalan, Gulazare Ozdenîz û Sultane Toroslar bi ruhê xoverdayîşî vera Qirkerdişê Mereşî tewirêko xurt ramot.

Ganî dejê Qirkerdişê Mereşî hînî şînî ra vejîyo. No dej ganî açarîyo qesas û amance wayîr vejîyayîşê erjanê xo. Dej eke açarîyo hêzî beno bimana û hêzê dano merdimî/e. Eke dej wîjdanê ma keno kor û îradeyê ma heps keno, o dej xora waştişê dişmenî yo.  Ma naye red kenê. Ganî ma  bi rêxistinkerdişê dejê xo cewab bidê  dişmenî. Ganî ma wirzê payan ser, dejê xo bikerê hêzê û bi îradayê xurtî wayîr erjanê xo bivejîyê û çîyê ke yê mayê peyser bigêrê.''