Koordînasyonê KJKyî bi wesîleya 4ê Nîsane Rojbîyayîşê Rayberê Şarê Kurdî Abdullah Ocalanî mesajêk da.

Mesaj wina yo:

''4ê Nîsana ke rojbîyayîşê Rayberê ma ya, ma sey cinîyan û kurdan sey rojbîyayîşê xo vînenê. NÊ esasî ser o ma rojbîyayîşê Rayberîya xo fîra kenê, emrêkê weş û dergî yê têkoşînî ci rê hêvî kenê, na roja cinîyan û şaran fîraz kenê.

Cuya Rayberîya ma û têkoşînê şarê kurdî bîyî yew, bîyî raştîyêka pabeste. Rayberîya ma derheqê cuya xo, derheqê têkoşînê ma de qala 3 bîyayîşanê pîlan kena.

Bîyayîşo verêne bîyayîşo bîyolojîk ê 4ê Nîsane yo. Dadîya ma ya pîle dayîke Uweyşe Rayberîye arde dinya û bîye wesîleya bîyayîşanê pîlan. Coka ma Dayîke Uweyşe rê şukrananê xo pêşkêş kenê.

Bîyayîşo diyîn; destpêkê xoverdayîşê PKKyî pêor şarê kurdo ke verê mergî de bî, welanê ci ra newe ra aferna û ruh, can, hêvî da kurdan.

Bîyayîşo hîrêyîn; o proseso ke Rayberîya ma Îmrali de paradîgmaya xo ser o bîyo kûr. paradîgmaya newîye ya Rayberîya ma hem mudaxeleyê krîzê sîstemê seserra 21. hem zî hemleyêka girînge  pêşkêşê hêzanê demokratîkan kena. Coka pê bîyayîşê hîrêyînî pê îdîaya çareserîya meseleyanê merdimîye û dinya Rayberê ma bîyo wayîrê karakterêkê globalî.

Na paradîgma seba şaran û cinîyan çimeyêko pîl ê hêvî û îstîfakerdişî yo. Eke ewro asta mîyanneteweyî de wayîrê Rayberîya ma yeno vejîyayene, seba azadîya ci kampanyayî yenê kerdene xêrê na paradîgma ra yo. Ganî cinîyî hînî nêverdê ke Rayberîye mîyanê şert û mercanê zîndanî de bimana. Coka ma vanê seba Rayberîye 'Wext wextê azadîye yo.'

Rayberê ma mîyanê tecrîdê giranî de tecrîd û tedayanê faşîstan ê AKP-MHPyî reyde têrî yo. Eşnawitişê vengê ey nêno a mana ke Rayberîye binê tehlukeyî de nîya. Seke qiseykerdişê ci ra yeno famkerdene Rayberîye vera nê kerdişan wayîrê tewirêkê xoverdayoxî yo. Pê na hîşmendîya faşîste Rayberîye ma hînî asan nîya. Coka azadîya Rayberîya ma ra ber mumkîn nîyo ke merdim pê çîyê bînî bixapîyo. 

Her roja tepiştetîya Rayberîye azadîya ma ra û yê cinîyan ra şina. Her roja tepiştetîye yena manaya giranbîyayîşê şer, kaos, qirkerdiş û nêçareserîye.

Her roja tepiştetî û tecrîdî yena manaya caardişê faşîzmê Tirkîya. Coka kampanya û têkoşînê seba azadîya Rayberîye têna karê kurdan nê karo bingeyî yê hêzanê demokratîjan û dişmenanê faşîzmî yo.

Wayîrvejîyayîşê Rayberîye 8ê Adare û Newroze de resa asta tewr berze. Ma 4ê Nîsane emser heer wextî ra zêdêr bikerê roja xurtkerdişê têkoşînê seba azadîya Rayberîye. Kampanya û têkoşînê seba azadîya Rayberîye, seba ke netîce bidê ganî bêmabên bêrê caardene. Nê esasî ser o ma venga cinî û ciwanan, şarê xo danê ke heta ke Rayberîye azad biba têkoşînê xo dewam bikerê.

Pê hîşmendîya 'rojbîyayîşê Rayberê ma rojbîyayîşê ma, azadîya Rayberê ma azadîya ma ya, ma venê serra 2021î ma do bikerê serra azadîya Rayber Apoyî. Pê na vîr û bawerî ma azadîya fîzîkî ya Rayberîye sey bingeyê kar û têkoşînê xo bivînê. Ma reyna rojbîyayîşê şarê xo fîraz kenê û qerardarî û îdîaya xo ya seba azadîye dibare kenê.''