Koordînasyonê KJKyî ke derheqê hêrişê vera cinîyan û domanan o ke çend şino zedîyeno, eşkerayîyêke daye semedê xurtkerdirşê sîstemê xopawitişî veng da.

Eşkerayîya KJKyî de ameyî parekerdene:

''Dewleta tirk a ke vera têkoşînê azadîye yê kurdan polîtîkaya qirkerdişî rayra bena, her tim vera cinîyan şîdeto sîstemakîtî ana ca. Senî ke Terteleyê Dêrsimî de kerd, 40 serranê peyênna de semedê tasfîyekerdişê têkoşînê cigêrayîşê azadîye yê kurdan polîtîkaya dewlete bi tewiranê cîyayayn aver benê. Roja ma de na polîtka hetê hukmatê AKP-MHPyî ra bi barîkerdişî yena rayraberdene. Demo peyên de Vakurê Kurdîstanî de hêrişê vera cinîyan û domanan zêdîyeno. Remnayîş, desternayîş, îstîsmaro  cînsî, tecawuz, şîdet, xokiştişî rê mecbur verdayîş û mirênayîş nê heme pabesteyê polîtîkaya şerê taybetî yê. Xora qismêko muhîm ê nê qetilkar tecawuzkaran ra elamanê artêşa tirke yê.

Tewr peynî de qewimîyayîşê Êlîhî polîtîkayê şerê taybetî yê dişmenîya cinîyan fînayî çiman ver. Wa zaf hole bêro zanayeneke nê polîtîkayî berê aqlê dewlete yê ke bi destê serekê şerî yê dewleta tirke Suleyman Soylu yenê kerdene. Xora ê cok vatbi 'PKK partîya cinîyan a‘ û 'Ma têna vera terorîstan nê vera terorîzmê kulturkî têkoşînê kenê.' Dewleta tirke ya  faşîste zana ke cinîyî hêzê serkeşî yê têkoşînê azadîye yê Kurdîstanî yê coka vera înan metodê şerê taybetî vistî dewre. Hêrişê vea sîyasetmedaranê cinîyan ê Vakurî zaf plankerde û hedefkerde yenê kerdene. Wazenê ke têkoşînê azadîye yê Kurdîstanî hêzê serkeşî ra raqilnê û tasfîye bikerê.

Pîya bi naye ma vînenê ke cinîyan serî ra hêrişanê barî û sîstematîkan kenê ke komelbîyayîşê kurdan hedef kenê. Xîret kenê ke bi  destê elemananê artêşa îşxakere ke Kurdsîtan de ya, cinîyan ê kurdan bêîrade bikerê ke ci rê her  qeyde hêrişê psîkolojîk, cinsî û fîzîkî bêrê kerdene. Tewr peynî de Êlîh de  çawişo pîsporo feşîst Orhan Musayî çîyo ke cinîya kurde Îpeke Er rê kerd no yo. Wa no zaf hole bêro zanayeneke Îpeke Er xo nêkişt, hetê dewlete ra ameye mirênayene. Cinîya kurde ke 20 roje ameye destsernayene û ci rê tecawuz ame kerdene, gerreyê ci verî cendirme û serdozgerîye de nêame qebulkerdene. Dima ke tehqîqat ame destpêkerdene  zî mehkeme leşkero tecawukar serbest vera da. Seba ke medyaya sosyale de vengê nêrazîbîyayîşî bîyî berz o ame tepiştene. Qetilkarê Îpeke Er dewleta tirk a faşîst a. Dewlete zî no îtîraf kerd. Serekê şerê taybetî derheqê babete de HDP yû têgêrayîşê azadîye hedef girewtî. Derheqê dosya de qerarê nimitîye ame girewtene. Cenazaya Ere şewe bi tewirêkî bêkesî ameye definkerdene.  Cinîyanê ke Îstanbulî de çalakî kerd ameyî destndkerdene. Nê pêroyî  sey îtîrafî yê. Dewlete ke ameye deşîfrekerdene wina qeyde serê plan û hesabênê xo yê leyminan nimenena.

Seba ke nê polîtîkayê şerê taybetî yê dewleta faşîste pûç bêrê vetene sere de cinîyê kurdan gerek heme şarê ma zaf hîsgêr û zanaye têbigêro. Kurdîstan de polîs yan zî leşkero hole çîn o, do mebo. Îşxalkerî ke erdê ma de yê  têkoşîn, komelbîyayîşî, erjan, destkewteyan, nasname, bi vatişê kilmê estbîyayîşê ma hedef genê. Gerek no helêk zî vîrî ra nêşiro. Coka gerek înan ra dûrî bêro vindetene, selam zî mero înan dayene.

Wa Pêkerdişê Îstanbulî Vakur de û sîstemê hemserekîye zî Tirkîya de bêro wayrîvejîyayene. Eke cinî hempar têbigêre eşkenê ser bikewê. Gerek vera hêrişê şerê taybetî yê dewlete,  sîstemê xopawitişî bêro averberdene. Xopawitiş têna bi çeke nêbeno.  Xopawitiş zanayîş, hîs û her warê cuya de ganî bêro caardene. Na çarçewe de ma veng danê cinîyan ê kurdan û tirkan ke wa vera hêrişan bibê yew ke qirkerdişê cinîyan bidê vindarnayene.''