KJKyî bi wesîleya  Roşanê Newroze eşkerayîyêke daye daye û nê parî kerdî:

''Ma şexsê Mazlûm Dogan, Zekiya Alkan, Rahşan Demîrel, Ronahî û Bêrîvanan de pêro şehîdanê xo bi minet û rêzdarî yad kenê; ma verî yê Rayber apoyî Newroza pêro embazan, şarê ma yê welatperwerî û dostanê xo yê şorişgêran û demokratan fîraz kenê. Ma hê Newroza 50. ya Rayberîye bi coşî pêşwazî kenê. Ma pêro cinîyanê ke vera sîstemê îmraliyî, zîndanan, koyan, meydanan de xo ver danê selam kenê. 

Mezopotamya de sere de kurd, ereb, fars, armenî sûryanî, tirkam û şaranê bînan serkewtişê têkoşînê hemparî yê vera zorbazan raştîya Newroze de dî û ê bi hezaran serrî yo sey roşanî Newroze pêşwazî kenê. Coka Newroze her çî ra ver destpêkê xoverdayîşê pîlî û adresê azadîye yo. Senî ke cografyaya Mezopotamya şahîdîya zorbazîyanê tewr pîlan kerda, Kawayê Asinkarî ra bigêrê heta Mazlûm Doganan, na cografya şahîdîya şorişanê pîlan ê azadîye zî kerda.

Rayber Apoyo ke 50 serrî yo xoverdayîşêkê bêhempayî keno, çeyregê seserra 21. de paradîgmaya modernîteya demokratîke ya pabesteyê azadîgîra cinîyan, neteweya demokratîke û têkoşînê şorişî  arde asta dinya. Rayber Apoyo ke Newrozbîyayîşî reyde rayberîya şaran keno, vera sîstemê îşkenceyî yê Îmraliyî yê hêzanê modernîteya kapîtalîste, xoverdayîşo tarîxî kerd û kerd ke adirê şorişî yê Kurdîstanî bireso şaranê Rojhelatê Mîyanênî û dinya.

Nê esasî ser o Têgêrayîşê Azadîye yê 50 serrî hem rayberê pîlî yê şaran afernayî û hem zî kesayetê rayberî yê cinîyî yê sey Sara, Rehşane û Zekîya afernayî ke nê cinîyan bi adir û îşkenceyî ameybî ceribnayene. Têkoşînê cinîyan ê kurdan vilayê dinya bi û 21ê adare de resa asta tewr pîle. Nê têkoşînî Newrozan de resa manayêka xo ya eşkera. Cinîyê Kurdîstanî yê ke bîyê Newroze bi rolê tarîxî înan bedenê xo pê adirî pîşto û qet yew hêz nêeşkeno nê adirê azadîye hewna bikero. Înan Newroze bi bedenê xo fîraz kerd, mîyanê pêro şertan de teslîmîyetî qebul nêkerde, tewirê cuye yê Newroze mojna. Cinîyê kurdî bi nê hawayî newe ra ganî bîyî û nika serkêşîya şorişê azadîye kenê. Cinîyê kurdî vera hişmendîya dewleta camêrdan, vera pêro pederşahîye, zorbazîye û kolonyalîzmî verê xo danê têkoşînê û bi nê hawayî serkêşîya azadîya komelî kenê.

Cinîyê kurdê ke 8ê Adare kenê xoverdayîşê bêmabênî, bi qerardarîya têkoşînî û çêrîya xo azadîye komelkî kenê, vera faşîzmî têkoşîn kenê, Newrozan resnenê manaya azadîye ya pêro wextan û Newrozbîyayîşê raştîya cinîyan anê ca. Çarçewa Hemleya ma 'Vera faşîzmî wext wextê pawitişê komel û cinîya azade yo' de ma venga pêro cinîyan û şarê ma danê ke biherîkê waranê Newroze, bi qerardarîya şerê şorişgêrî yê şarî têkoşînî geş bikerê, bi ruhê serewedaritiş, xoverdayîş û serfîrazî Newroze bikerê tewirê têkoşînê hemparî yê şaranê Kurdîstanî û ê cinîyan.

Nê esasî ser o ma Newroza Rayberîye bikerê Newroza azadîye. Bi tecrubeyê şorişê azadîye yê 50 serran ma tarîxî ra hesab bipersê. Ma seserra 21. serkêşîya cinîyan de bivurnê bikerê şoreşê şaran. Bi na hişmendî û mesuldarîya tarîxîye ciwanê Kurdîstanî bi ruhê Mazlûm Dogan wa verê xo bidê refanê azadîye û xoverdayîşî. Vera pederşahîye, cînsîperestîye û kolonyalîzmî bi adirê azadîye yê Zekîya, Rehşane, Ronahî û Bêrîvanan ganî ma xo ver bidê. Bi ruhê serfîrazîya ke Werxelê, Zendûra, Mamreşo de cinîyan pê destanî nuştê, ma do qetî faşîzmî çin bikerê û Newroze manadar bikerê. Ma çiraya xoverdayîşî ya koyan a gerîlayanê azadîye deşt, şaristan û pêro meydanan de bivisnê ta û bi nê hawayî cewab bidê Dehaqê nê çaxî. Seba ke Newroze newe ra biba wayîra mana û biresa cewherê xo yê tarîxî ma qetî faşîzmî çin bikerê. Ma azadîya Rayberê xo bîyarê ca. Bi nê hîs û bawerîye ma reyna Roşanê Newroze yê pêro cinîyanê ke seba azadîye xo ver danê û Roşanê Newroze yê şaran fîraz kenê.