Koordînasyonê KJKyî  bi wesîleya serrgêra şehadetê gerîlaya PKKyî Bêrîtane (Gulnaze Karataş) a ke 1992î de şerê başûrî de bi hewayêkê qehremankî vera xayînan xover da û tewrê kerwanê şehîdan bîye, eşkerayîye daye.

Eşkerayîya KJKyî nê ameyî parekerdene.

''Hemra Bêrîtane sey cinîya jîhat a bianore ya dêrsimije bi cuya û çalakîya xo vera qirkerdişê ke vera cinîyan û şarê kurdî yeno kerdene cewabo tewr pîl da. Vera faşîzmê dewleta tirke û xeta xayîn a temsîlkar a kurdî heta nefesê xo yê peyênî şer kerd û seba ke teslîm mebo xo kaşî ra eşte war. Sey Bêsayan ke Dêrsim de û cinîyan ê êzdîyan ke vera teslîmîyetî xo eştê awa Çemê Êlihî û Dîcle, a zî teslîm nêbîye. Tarîxê xoverdayîşî yê biheybetî cuya û çalakîya de arde ca. Xeta xoverdayîşî ya ke Dêrsim de bi Besêyan, Zarîfeyan, Sarayan, Bêrîtanan û Zîlanan xo dana ciwîyayene  ke dişmen zî ci rê hurmet keno, artêşe û têgêrayîşê azadîye yê xurtî afernayî û rayîrê şorişî akerd.

Xoverdayîşê embaza Bêrîtane eynî wextî de ramojne elewîyan ê Dêrsimî ke senî vera asîmîlasyon û qirkerdişê dewleta tirke xover bidê. Xelisîyayîşê Dêrsimî bi averşîyayîşê xebata Kurdîstanê azadî û cinîya azade û yewîya neteweyîye ya kurdan mumkun o. Xeta embaze Bêrîtane verê şarê ma yê elewîyan zî akerd ke agêre eslê xo ser.

Embeze Bêrîtan şerê îşxal û xîyanetî yê Başûrî yê 1992î de pê çalakîya xo xeta xayînîye pûç vete.  Badê 29 serran roja ma de zî na xeta xayîne vera têgêrayîşê kurdan û gerîlayan bi konseptê îmha hêriş kena. Sere de Herême Pawitişî yê Medya û Başûrê Kurdîstanî her ca de hêriş kena ke kurdan ê azadan çîn bikerê. Bi heme metodanê leyminan ê şerî hêrişê têgêrayîşê azadîye û gerîlayanê ci kena. Seba ke îşxalkerî ca bidê xo têgêrayîşê ma bêro tasfîyekerdene her çî kena. La xeta azadîye û xoverdayîşî ya embaze Bêrîtane roja ma de Avaşîn, Zap û Metîna de yena domnayene. Bi se hezaran Besêyî vera xayînîye û qirkerdişî ver bi serkewtişî rayra şinê. Rixmê çekanê kîmyewîyan û teknîkê wehşîyî gerîlayê YJA Starî darbanê pîlan danê dişmenî ro û wesîyetê embaze Bêrîtane anê ca.

Vera tecrîdê serê Rayberîye, heme hêrişanê îmha û înkarî yê ke vera cinîyan û kurdan yenê rayraberdene û vera xeta xayînîye  û teslîmîyetî ma do bi xeta xoverdayîşî û ruhê Bêrîtanê tekoşîn bikerê û na xete bi serkewtişî tacîdar bikerê. Vera sîstemê qirkerdişî û hêzanê hemkaran sere de cinîyî ma veng danê kesanê azadwaştoxan ke wa doremyê Rayberîye de bêrê têhet û koyanê azadan de sefanê gerîlayan de bibê mîlîtanê xeta Bêrîtene.''