Komîteya Perwerdeyî ya KJKyî bi eşkerayîyêke bale ante polîtîkaya qirkerdiş û asîmîlasyonî ser û semedê wayîrvejîyayîşê kurdkî û kulturê kurdan veng da.

Eşkerayîye KJKyî wina ya: ''Vakurê Kurdîstanî û Tirkîya de heme mamosteyî û kedkarê kurdkî raştê zextê îqtîdarê AKP-MHPyî yê yenê. Mamoste û wendekaranê ke pê xeyalan û hêvîya pîle beşa kurdkî wende amade yê ke neslê neweyî rê kurdkî bimûsnê. Wa no çirey mero vîrakerdene  merdim pê ziwanê xo ciwîyeno, pê vateyanê xo fîkîryeno. Ziwanê merdimî nasname û estbîyayîşê ci yo.

Goreyê doneyanê peyênan ê ke Tirkîya de ameyî eşkerakerdene emser 20 hezar wendekaran semedê perwerdeyê kurdkî muracat kerdo. Semedê perwerdeyê nê wendekaran ganî Wezîrîya Perwerdeyî yê Tirkî tewr tay 200 mamosteyan wezîfedar bikero la mîyanê bi seyan mamosteyanê kurdkî ra têna 3 kadroyî dîyayî. Senî ke mamoste û kedkerê kurdkî zî vanê na rewşêka trajîk a.

Sey gamêke newî û muhîmî 20ê çeleyê 2011yî de Heyetê Perwerdeyê Berzî Beşê Edebîyatê û Ziwanê Kurdkî tesdîq kerdbi. Eynî wextî de unîversîteyanê Vakurê Kurdîstanî de beşê Kurdolojî ameybî akerdene. Nê fakulteyan ra her serre bi seyan wendakarî mezûn bîyî û mîyanê bi seyan namzedanê mamosteyan ra têna 82 mamosteyî ameyî wezîfekerdene. Reyna seba ke kedkaranê kurdkî yê ke Roja Ziwanê Dayîke ya Dinya de bale ante muhîmîya ziwanê dayîke ser hetê Mehkemeya Qanûnê Bingeyênî ra ameyî cezakerdene. No nêzdîbîyayîşê dewleta tirke mojneno ke sîyasetê qirkerdişî û asîmîlasyonê kulturkîyî bi hewayêkê xurtî dewam kenê.

Ma sey Komalên Jinên Kurdistan (KJK) bi nameyê heme cinîyanê şerwanê azadîye nêzdîbîyayîşê Wezîrîya Perwerdeyî û Mehkemeya Qanûnê Bingeyênî yê dewleta tirke vera cinî, dayîke û şarê ma sey qirkerdişê kulturkîyî pênas kenê  û şermezar kenê. Ma veng danê heme dezgehanê kulturk û komelkî ke wa hîsgêr têbigêrê. No sîyasetê înkar û qirkerdişî yê vera wendekar, dezgeh û mamoste kedkeranê kurdkî hêrişê vera estbîyayîş û ercanê komelê ma yo.

Sere de cinî û dayîkî ganî komelê ma vera nê hêrişanê asîmîlasyon û qirkerdişî bêveng memamo. Cezakerdişê yew dezgeh û mamosteyê kurdkî yeno manaya cezakerdişê heme komelî. Ganî heme mamoste, kedkar û dezgehî bêrê wayîrvejîyayenê. Heta destfînayîşê heqê perwerdeyê ziwanê dayîke û qedînayîşê heme astengîyan  ganî sey wezîfeyê hemwelatîye çalkîyê demokratîkî bêrê kerdene. Ganî ma bi hewayêkê qerardarî wayîrê ziwan û kulturê xo vejîyê.''