Vizêr çawişê pisporî yê artêşa tirke ya îşxalkere Şirnex de cinîyêke tacîz kerdbî. Şarê Şirnexî bi xopawitişî cewab da çawişê pisporî. Koordînasyonê KJKyî derheqê babete de eşkerayîyêke daye.

''Rejîmê AKP-MHPyî yo faşîst bi metodanê şerê taybetî xîret keno ke ciwanê kurdî yê azadî û cinîya kurde ya azade çin bikero. Têgêrayîşê azadîye yê cinîyan ê kurdan bi şîarê 'Jin, Jiyan, Azadî' xeta azadîye ya moderne dîyar kerde. Coka AKP-MHP vera cinîyan ê kurdan û têgêrayîşê azadîye eşker, polîs, qoricî û cerganê sey DAÎŞî sey hêzê şîdet û tacawuzî visneno dewre. Hêrişê cînsî û qirkerdişî yê vera cinîyan ê kurdan yenê manaya sûcanê vera cinîyan ê Rojhelatê Kurdîstanî.

Tirkîya û Vakurê Kurdîstanî de weçînayîşê tarîxîyî ameyî kerdene û şarê ma vera qeyûman bi hawayêkê heybetînî ser kewt. Îradeyê şarê ma yê Şirnexî zî roja weçînayîşî ame xespkerdene. Weçînayîşan ra pey cergê sûcanê cînsîyan ê şerê taybetî kewtê dewre. Şirnex de şarê ma vera hêrişê cînsîyî yê elemanê şerê taybetî metodê xopawitişî ard ca û mojna ke şero rûmetên ganî senî bibo. Ma bi şorişê weçînayîşan û xopawitişê şarê Şirnexî sereberz ê. ancî ame dîyene ke qet yew dewlete û hêz şarê wayîrê xopawitişî ra bihêzêr nîyê û şarê kurdî wayîrê îradeyêkê nemexlubî yo.

Nê esasî ser o ma venga şaran, cinî û ciwananê kurdan danê ke xopawitiş yew feraset û xebata ferasetî yo. Ganî her kes derûdorê xo derheqê polîtîkayanê şerê taybetî de hişyar bikero û bipawo. No yew şerê rûmetî yo û ganî ma tehamul nêkerê. Têgêrayîş û rêxistinîyê cinîyan seba perwerdeyê xopawitişî ganî seferber bibê. Ganî dezgeh û elemanê dewleta kolonyalîste teyna bibê. Pêro kurdîstanijî ganî vera hêrişanê cînsîyan, fuhuş, madeyanê tîryakî xo rêxistin bikerê û bi xopawitişî cewab bidê înan.

Ma venga pêro têgêrayîşanê cinîyan, şarê Kurdîstanî, cepheyê Tirkîya yê demokratîkî danê ke şarê Şingalî teyna meverdê, nê serebûtî bikerê rojdem. Nêzdîbîyayîşê dewlete yê bi Şirnexî nêzdîbîyayîşê ci yê bi pêro Kurdîstanî yo. Ma Şirnexî bikerê merkezê têkoşînê demokrayîkî û xoverdayîşê cinîyan ê heybetînî Botan de berzêr bikerê.''