Koordînasyonê KJKyî derheqê serrgêra ronayîşê PKKyî de beyanatêko nuştekî da. KJKyî vat PKK vera sîstemê pederşahî yo ke tarîxê xo reseno 5 hezar serran serehewanayîş o.

Beyanatî de ame vatene “PKK organîzasyonê kesan, şaran, komanê cîyayan yê bawerîyan yê bi hêzê xoyî yo. Nê bingehî ser o PKK vera serwerî, pêro teda û zordarîyan ê sîstemê hegonomîk têgêrayîşê xoverdayîş û serehewanayîşî yo. PKK partîya cinîyanê azadan a. KJK beyanatê xo wina dewam kerd “PKK mîyanê zor û zehmetîyan de bîye manadar û afirnayîşê cuya azade û têkilîyanê bi hişmendî, kede de bi bedêlanê pîlan bîye serkewte. Naye ra ma roja ronayîşê PKKyî rojanê tewr pîroz ê merdimîye ra sey yew roje vînenê. Û ma vanê; serrgêra 42. a ronayîşê PKKyî şarê ma, cinîyan, şaran û pêro merdimîye rê pîroz ba.

42 Serrî bi Ked û Xoverdayîşêkê Pîlî Vîyartî

Beyanatî de ame vatene ke yew rewşa ke tede tewr hêvî nêmendîbî de Rayberê Şarê Kurdî Abdullah Ocalanî 27 Teşrîna Peyêne 1978î de bi komêke embazanê xo ra, bi çêrî û bawerî PKK saz kerdo. Dewamê beyanatî de wina ame vatene: “Bi na roja birûmet û pîroze ma reyna rayberîya xo bi heskerdiş û hurmet selam kenîme. Şexsê sazkerdoxanê PKKyî hemra Hakî, Kemal, Xeyrî, Mazlûm, Sakîne Cansize de ma pêro şehîdanê PKK bi hurmet û minete reyna anê xo vîrî.

PKK roja ke ameyo ronayîşî ra heta ewro xo tena sey dewaya azadîye ya şarê xo dî, xo sey vengê ê pêro kesan dî ke ameyê pelixnayene. PKK roja ke ameyo ronayîşî ra heta ewro tarîyan keno roştî, erdê Anatolîya û Mezapotamya tim germ û roşnî kerd. Têkoşînê 42 serran ê PKK sere de şehîdanê ma, bi xoverdayîş û kedê rayberîya ma, şarê ma, cinîyanê ma bîyo pêt. Vera sîstemê modernîteyê kapîtalîstî û polîtîkayanê parçeker û qirker ê dewletanê statûkoparêzan ê herême doktrînê azadî û organîzasyonê ey afirna û bî wayîrê xoverdayîşê dewamî û tim xoverdayîşê xo aver berd.

Têkoşînê PKKyî Kurdîstanî de Rihê Yewîya Neteweyî Afirna

Kombîyayîşê ronayîşê PKKyî de estbîyayîşê cinîyan, stratejîya rayberîya ma û ewnayîşê têkoşîna azadî yê cinîyan eşkera keno. Destpêkî de Şehîde Sakîne Cansize ra bîyo PKK bî têkoşînê azadîya cinîyan ke bi mîlyonan cinî tede ca gênê.PKK sey partîyêka cinîyan riho pîl ê azadîye pêro dinya de gêreneno. Ewro rastîya ma ya rayberî, têkoşînê PKKyî pêro dinya de êno naskerdene. PKK bi xoverdayîş û şerê Azadî Rojhelatê Mîyanênî û dinya de bîyo hêzêko winasî ke ci rê hurmet êno kerdene. PKK sey têgêraşîşêkê planetî yê azadî pêro dinya de ameya qebulkerdene.

Beyanatî de vajîya PKK sey têgêrayîşê  azadî yê planetî pêro dinya de ameya qebulkerdene. Dewamê beyanatî de wina vajîya “Kotî têkoşînê azadî biyo PKK o sey têkoşînê xo yê azadî dîyo. Bi nê hawayî tewrê ci bîyo û hêz dayo ci. PKK partiya geşkerdişê azadî û seypêyî yo. PKK mîyanê rastîya şerê dinya yê hîrêyinî de ke nika ma mîyanê ci de ciwîyenê bîyo wayîrê rastîya têkoşînê winasî ke eşkeno krîzê merdimîye hal bikero. Na çarçewa de ma cinî bi coş û kelecanêkê pîlî reyna ronayîşê PKKyî fîraz kenê. Ma venga pêro şarê xo û bawerîyan kenê ke bi hawayêkê hîna çalakî tewrê dewaya geşkeridşê têkoşînî bibê, paştî bidê ci û bikerê pîl.”