Koordînasyonê KJKyî derheqê serrgêra Hemleya 15ê Tebaxe de eşkerayîyêke daye. Eşkerayîye wina ya:

''15ê Tebaxe roja gandarbîyayîşê şarî, roja desytpêkerdişê adirê xoverdayîşî ya. Ma na roje de afernayoxê hêz, îdeolojî û ferasetê na hemle Rayber Apoyî selam kenê, roja xoverdayîşî ya ci fîraz kenê.

Nê adirê xoverdayîşo ke pê Fermandarê Pîl Egîd (Mahsum Korkmaz) dest pêkerd, xeta Bêrîtane de xoverdayîşê cinîyani pê Zîlanan zî xeta fedayîtîya cinîyan afernayî. No adir ewro pê Hemleyanê Şorişgêran ê Bazanê Zagrosî û Cengê Xabûrî dewam keno. Ma şehîdanê nê têkoşîn û xoverdayîşî bi rêzdarî, heskerdiş û minetdarî yad kenê ke tradîsyonê xoverdayîşî û cuya rûmetîne awan kerd. Ma reyna soz danê ke ma do bibê teqîbkerdoxê înan  û têkoşînê xo de wayîrê ci vejîyê.

Ma roja xoverdayîşî ya 15ê Tenaxe ya cinîyan û şarê xo fîraz kenê ke pê bê xoverdayîşî ma gandar bîyî, estbîyayîşê xo pawit û kewtî mîyanê têkoşînê azadîye.

15ê Tebaxe hem seba şarê kurdî, hem seba cinîyan ê kurdan bîye destpêkê gandarbîyayîş û têkoşînê estbîyayîşî. Seba famkerdişê 15ê Tebaxe û tesîrê guleyê verênî ganî merdim raştîya çinbîyayîşî fam bikero. Mîyanê komelêkê winasênî de cinîyî nêameyî dîyene. Naye ra zî  guleyê verênî tesîrê dişmenî kerd. No gule û prosesê 15ê Tebaxe bi destpêkê parçebîyayîşê her şiklê koletîye. Cinîyî mîyanê na rewşe ra vejîyê û înan verê xo da erjanê merdimîye.

Coka ma 15ê Tebaxe seba Têgêrayîşê Azadîye yê Cinîyan ê Kurdîstanî sey zemîn û çimeyê gandarbîyayîşî û têkoşînê xo yê estbîyayîşî vînenê, ewro zî têkoşînê xo pê qerardarî û ruhê 15ê Tebaxe têgêrenê û ver bi serkewtişî û azadîye şinê.

Tarîxê Kurdîstanî de bêguman xeylêk serewedaritişê kurdan ameyî kerdene; semedê metodanê nê serewedaritişanê klasîkan bedelê ci zî giran bîyî. Dima zî şarê kurdî kewt mîyanê prosesê hîna giranî yê teda û çinbîyayîşî, hîna zêdêr ame pelçiqnayene. Raştîya xo ra vejîya. Pê têgêrayîşê PKKyî reya verêne pê têkoşînê xo, pê rayberî û rêxistinîya xo ya îdeolojîke dest pê şerê gerîlayan kerd.

Nê têkoşînî serkêşîya Rayber Apoyî de, vera pêro hêrişan 37 serran dewam kerd, meseleya kurdan vete werte û şorişê gandarbîyayîşî ard ca. Na raştîya ke 15ê Tebaxe afernaye rayberê ma pê xorinkerdişê paradîgmaya çareserîya meseleya cinîyan û şaran netîceyê girîngî vetî werte. Sere de Rojawan de xeylêk waranê têkoşînê ma de xîret yeno dayene ke paradîgmaya Rayberîye bêra şênkerdene, asta şorişê cinîyan de cinîyî beşdarê her warê cuye yê t3ekoşînî bivînê.

15ê Tebaxe pê berhemanê xo têna hetê kurdan ra nê hetê têkoşînê cinîyanê dinya, şaranê Tirkîya û dinya ra yeno famkerdene. Têkoşînê vera serdestîya camêrdan, faşîzm û her şiklê kanwazî ewro rayberîya cinî û şarê kurdî de yeno kerden Ma astêka tarîxî de yê ke ma eşkenê pê têkoşînê xo ameyoxê hêzanê demokrasî û şorişî, çarenusê cinîyan, ciwanan û pêro hêzanê antî-faşîstan eşkera bikerê. Coka ma venga pêro hêzan danê ke ma pîya têkoşînî pîl bikerê, her wextî ra zêdêr dormeyê şarê kurdî de kom bibê, ruhê têkoşînê hemparî xurtêr bikerê.

Sere de cinî û ciwanê kurdî ma venga pêro şarê xo danê ke ma prosesêkê winasênî de yê ke mesuldarîyanê ma yê tarîxîyan her wextî ra zafêr verê ma de yê. Senî de 15ê Tebaxe de ma estbîyayîşê xo ard ca nika zî wext wextê afernayîşê azadîye û serkewtişî yo.

Ruhê serkewtişî yê ke Roşanê Gandarbîyayîşî yê 15ê Tebaxe aferna do pê xoverdayîş û têkoşînê ma qetî ser bikewê. Pêro erjê dewleta tirke yê ke faşîst, tekeperest, cînsîperest, nîjadperest, dişmenê xoza temsîl kenê do yew bi yew bêrê çinkerdene. Şarê kurdî, şar, bawerî û cinîyê Rojhelatê Mîyanênî do cuya edaletîn, azad û têdûşt pê xoîdarekerdiş û xopawitişî qetî biafernê. Ruhê xoverdayîş û azadîye yê 15ê Tebaxe qetî do ser bikewê.''