Koordînasyonê KJKyî vat pê eşkerayîyêka nuştekîye milîtanê rayberî yê têgêrayîşê cinîyan Zîlane, Sema û Gulane yad kerdî. Eşkerayîya KJKyî wina ya:

''30ê hezîrana 1996î de embaze Zîlane vera artêşa tirke çalakîyêka fedayîye kerdbi. Ma serrgêra 24. ya şehadetê ci de aye pê hûrmet û rêzdarî yad kenê û sey teqîbkerdoxanê xeta ci ya fedayîtîye pê îdîaya Rayberîya Azade, Kurdîstanê Azadî û Cinîya Azade xeta şehîdan ra şonê. Ma embaz Sema zî yad kenê ke serra 1998î de Zîndanê Çanakkale de Newroze de xo vêşnabî. Heman wextî de ma embaze Gulane zî yad kenê ke serra 2002î de hêrişêkê xayînî û komplowarî de şehîd bibî. Vîrameyîşê nê embazan seba ma sebebêko pîl ê têkoşînî yo.

Zîlane manîsfestoyêk a

Zîlane manîsfestoyêk a. No yeno a mana ke cuye mojnena, şer newe ra rêxistina kena û pratîzekerdişê terzê neweyî ya. Zîlane sembola partîbîyayîşê cinîyan a. Zîlane pê zerrîyêka pîle bîye milîtanêka azadîye. Rayberîya ma vatibi 'Zîlane fermandara ma ya, ma zî leşkerê ci yê.' Rayberîye wezîfe, çalakî û serkewtişê Zîlane raşt mojnayî. Bingeyê manîfestoyê Zîlane zî no yo.

Embaze Sema sey nameyê xo serewedaritiş a

Embaze Sema Yuce zî sey nasnameyê xo her tim Serewedaritiş bîye. A bîye temsîla raştîya cinîyan a ke xo welan ra awan kena. Na çalakîkera xorine îdeolojîya xelisîyayîşî ya cinîyan a. Embaze Sema vera kolonyalîzmî vat: ''Kurdîstan tîya de ame nimnayene'' Embaze Sema zî pare kerd ke ê 8ê adare ra heta 21ê adare do bibê pirdêk. Na zî îdeolojîya xelisîyayîşî ya cinîyan reyde bîye cewab û xo azad kerd. Bîye wayîra tarzêko ke camêrdan zî vurnena.

Gulane temsîla fedayîtî ya

Wexto ke xeta tasfîye xeta ma ya azadîye ser o ameyêne ferzkerdene embaze Gulane bîye milîtan û fermandarêka raybere ya fedayîye. A wayîra îradeyî bîye, heta peynîya biîddîa bîye û xeta Rayber Apoyî de bîye.

Nê embazê ma yê ke menga hezîrane de bîyî wayîrê tewirê milîtanî, kedkar û afernayoxê pîlî yê xeta azadîye ya cinîyan ê.Ma mîyanê têkoşînî de yê ke seserra 21. do biba seserra ke cinîyî do azad biciwîyê. Nê esasî ser o pê tewirê pîlî yê qesasî ma hêzê serfîrazîye nîşan kenê. Pê nê qerardarî û sozî ma eşkera kenê ke seserra 21. do biba seserra azadîye ya cinîyan.''