Koordînasyonê Komalanê Cinîyan ê Kurdîstanî (KJK) derheqê bira îdamkerdişê Werîşe Mûradî de eşkerayîyêke daye. Eşkerayîye wina ya:

''Ma pê hesîyayê ke Werîşe Mûradîya ke tebaxa 2023yî de hetê hêzanê Wezîrîya Îstîxbaratî ya Îranî ra amebî remnayene û raştê îşkenceyanê pîlan amebî di rojî verî cezaya îdamî dîyaya ci. Ma na bira bêhuqûqe bi giranî şermezar kenê.

Werîşe Mûradî seba protestokerdişê cezaya îdamî 10ê teşrîna verêne de dest pê grevê vêşanîye kerdbi û dima dewleta Îranî derheqê aye de bira îdamî daye. Bi na bire Îranî tersê xo yê vera cinîyan eşkera kerd. Rejîmê Îranî keno ke xoverdayîşê cinîyan bêtesîr bikero. Ma polîtîkayanê qedexe, îdam, dişmenîya cinîyan ê Îranî şermezar kenê.

Nê prosesî de herême de şerê giranî qewimîyenê eqlê dewleta neteweyîye mesuldarê tedayanê vera cinîyan o. Îdam de israrkerdiş do çewî rê fayde nêkero. Dewleta Îranî dişmenîya cinîyan, şaran û demokrasîyî de israr kena  ke no do netîce nêdo ci. Nê kerdişî do çimê cinîyan nêtersnê. Cinîyî do xoverdayîşê xo pîlêr bikerê. La îqtîdar û dewletî dişmenê cinîyan do bin bikewê. Dewleta Îranî eke wazena ke payan ser de vindera ganî demokrasî û heqanê merdiman bîyara ca. Teda, îdam, îşkence û binpaykerdişê heqan sebeb û netîceyê meseleyanê Îranî yê.

Ma venga dewleta Îranî danê ke wa bira îdamî apey bigêra, tepişteyanê xoverdayoxan vera bid, waştişanê şarî bîyara ca.

Bi na wesîle ma şexsê Pexşane Ezîzî û Werîşe Mûradî de pêro cinîyanê xoverdayoxanê ke cezaya îdamî dîyaya nînan selam kenê. Ma venga pêro şaran, dormeyanê demokratîkan, hêzanê cinîyan û azadîgîran danê ke vera biranê îdamî yê Îranî tewir bigêrê û têkoşînê hemparî pîlêr bikerê. Ma venga pêro cinîyanê Kurdîstanî û dinya danê ke bi çalakî û aktîvîteyan vengê xo biresnê ê cinîyan ke bi îdam û îşkenceyî vengê înan birîyenê.''