KJKyî Şîrîne Elemhulî û embazê ci yad kerdî

Koordînasyonê KJKyî Şîrîne Elemhulî, Ferzad Kemanger, Elî Heyderan û Ferhat Wekîlî yê ke 11 serrî verî 9ê gulana 2010î de hetê rejîmê Îranî ra ameybî dardekerdene, bi eşkerayîyêke yad kerdî.

Koordînasyonê KJKyî Şîrîne Elemhulî, Ferzad Kemanger, Elî Heyderan û Ferhat Wekîlî yê ke 11 serrî verî 9ê gulana 2010î de hetê rejîmê Îranî ra ameybî dardekerdene, bi eşkerayîyêke yad kerdî.

Eşkerayîya KJKyî wina ya:

''11 serrî verî 9ê gulana 2010î de rejîmê faşîstî yê Îranî 4 embazê ma bi hawayêkê barbarî darde kerdî.  Ma kewtî serrgêra 11. ya dardekerdişê embazan Şîrîne Elemhulî, Ferzad Kemanger, Elî Heyderan û Ferhat Wekîlî. Embaze Şîrîne têkoşînê azadîye yê Kurdîstanî de sey perperîka azadîye nameyê xo neqişna.

Ê wextî de ke tedaya rejîmê Îranî zaf zêdîyabî û amebi waştene ke îradeyê cinîya kurde bi temamî bêro şiknayene, hukmê şerîatî bêro xurtkerdene. Embaze Şîrîne vera ney sereyê xo wedarna. Kênaya Makoyî Şîrîne xidarîya koyanê Serhedî û mezgê xo kerdî yew û kesayetê xo yê xoserikî mojna. Pê nê kesayetê xo aye rayîro raştikên dî û cade verê xo da koyan.

Embaze Şîrîne pê têkoşînê xo yê koyan bîye tersê rejîmê Îranî û aye felsefeya Rayber Apoyî kesayetê xo dir girê daye. Embaze Şîrîne wextêkê kilmî ra dima seba ke nêzdîya dişmenî biba Tehran xo rê sey warê têkoşînî weçînaye. Wextêk de ke Îran û dewleta tirke pîya hêrişê ma kerdêne embaze Şîrîne pê çalakîya xo ya Tehranî rejîmê Îranî zaf tersnaye. Coka zîndan de ci rê hende îşkence, hêrişî û kerdişê xirabî ameyî kerdene.

Rixmê hende îşkenceyan embaze Şîrîne tewirê xo pawit û dişmenî rê qisey nêkerd. Embaze Şîrîne wextê dardekerdişî de zî hema tewirê xo pawit.Embaze Şîrîna ke teqîbkerdoxa Sara, Mazlûm, Kemalan bîye vat 'Êyê ke mi darde kenê a raşte xo darde kenê.' Êyê ke wayîrê nê ruhî yê eşkenê wayîrê nê tewirî zî bibê. Ewro bi hezaran cinî û xurtî pê ruhê Şîrîne têkoşîn kenê, xo ver danê. Pê dardekerdişê embaza ma Şîrîne bi hezaran Şîrînan vera rejîmî sereyê xo wedarna û tewrê têkoşînî benê.

Cinîya kurde Leyla Qasima ke Şîrîne Elemhulî teqîbkerdoxa aye bîye hetê rejîmê Saddam Huseyînî ra amebî dardekerdene. Leyla Qasim ra heta Şîrîne Elemhulî têkoşînê azadîye her ke şino geş beno. Ma pê sereberz ê ke ma wayîrê nê mîrasî yê û ma tim xîret bikerê ke bibê layîqê nê mîrasî.

Embaze Şîrîne tîja Rojhelatî ya. Şorişê Rojhelatî do bibo şorişê cinîyan. Nê wextî de ke rejîmê Îranî tedaya vera kurdan zêdînaye ma sey cinîyan bihêrîkê meydanan û xoverdayîş geş bikerê.

Wezîfeyê ma yo verên o ke têkoşînê nê embazan geş bikerê. Ma embazanê xo Ferzad Kemanger, Elî Heyderiyan û Ferhat Wekîlî zî û pêro şehîdanê menga gulane bi hûrmetî yad kenê. Ma venga kurdan danê ke vera rejîmê faşîstî têkoşîn geş bikerê.''