Koordînasyonê Cinîyan ê Kurdîstanî (KJK) semedê wefatê aktîvîsta arjantînije û dosta kurdan Celeste Lepratti mesajêkê serweşîye weşana.

Mesajê KJKyî bi kilmî wina yo:

''Ma zaf xemgîn ê ke dosta ma ya ercîyaye Celeste nêweşîyêka bêemane ra dinyaya xo bedilnaya. Wa sereyê keye û dostanê aye yê têkoşînî weş bo.

Celestre Lepratti têkoşînê heqanê cinîyan reyde têkoşînê heqanê merdiman de zî aktîvîstêka girînge bîye. Aye bi bedelanê pîlan û tewirê xo têkoşînêko pîl kerd. 2001 de 38 aktîvîstî serewedaritişê seba azadî û heqan de amebî qetilkerdene û nînan ra yewe zî waya Celeste bîye. Celeste naye ra dima alaya têkoşînî ya waya xo berz kerde û heta nefesê xo yê peyênî vera neheqîye têkoşîn kerd.

Sey Endama Meclîsî ya Şaredarîya Rosarioyî a tewrê îdareyê xoserî bîye, hetê Plazo de Mayoyan de têkoşîn kerd. 2016 de têgêrayîşê cinîyan ê kurdan, sibate ra dima zî sey endama Komîteya Paştdayîşê bi Kurdan têgêraye. Aye vera hêrişanê kîmyewîyan ê dewleta tirke ya îşxalkere 2022 de serkêşîya çalakîyan kerde. A seba têkilîya şarê Arjantîn û şarê Kurdîstanî têgêraye.

Celeste Lepratti sey enternasyonalîstêke karê girîngî kerdî. Ma sey Têgêrayîşê Azadîye yê Cinîyan ê Kurdan soz danê ke erjanê aye yê têkoşînî û cuya ke hesreta ci bîye, bi têkoşînî bîyarê ca.

Ma 2022 de bi sloganê 'Jin, Jiyan, Azadî' qerardarîya xo ya cuya azade vera kolonyalîzm, qirkerdişê cinîyan û xoza pêro dinya de berz kerde. Ma do serra 2023yî de zî na îdîaya xo pîlêr bikerê û bibê layîqê şehîdanê xo.''