Koordînasyonê KJKyî derheqê 25ê Teşrîna Peyêne Roja Têkoşînê Vera Şîdetê Serê Cinîyan eşkerayîya nuştekîye daye û nê vatî:

“Ma versîya pêkewtiş û şeran de kewnê Roja Têkoşînê Vera Şîdetê Serê Cinîyan. Sîstemê camêrdê serdestî û rejîmê dîktarorî bi şîdetî wazenê îqtîdarê xo bipawê û bidê domnayene. Filistin, Karabag, Kurdîstan û Rojawan de komel raştê qirkerdişanê komkî, surgun û barkerdişî yeno. Cayê cuye yenê texrîbkerdene û vîrê kultukî û komelkî yeno çînkerdene.  Ma nê polîtîkayanê qirkerdişî yê îqtdarê serdestî yê ke seba menfeatê ci yenê kerdene şermezar kenê, ma do tim vera nê polîtîkayan têkoşîn bikerê.

Kurdîstan de polîtîkayê qirkerdişî dewam kenê. Rayber Apoyo ke mîmarê şorişê cinîyan o 25 serrî  yo binê tecrîdê giranî de yo. Vakur, Başûr û Rojawan de cinîyê ma yê serkêşî bi suîkastî û teknolojîyê şerê asimetrîkî yenê qetilkerdene. Vera cinîyan ê ciwanan polîtîkayê şerê taybetî yenê rayraberdene.  Çar leteyanê Kurdîstanî de hedefê sîstemê faşîstî cinîyê. 

Coka Vakur de sîstemê hemserekîye, dezgehê cinîyan, parlamenterî, hemşaredarî, rojnamegerê cinîyî, aktîvîstî yenê kriminalizekerdene ke verê şorişê cinîyan bêro girewtene. Rojawan de yeno waştene ke sîstemê xoîdarkerdişî bêro betalkerdene. Rojhelat de rejîmê Îranî yo dişmenê cinîyan bi tehdîtanê îdamî û zextan wazeno tesîrê Jin Jiyan Azadî yo ke heme dinya ra vila bîyo, bişikno. Başûrê Kurdîstanî de zî  cinîyî bi hêrişê modernîteya kapîtalîstî rî bi rî yê. Şingal de yo ke wela xo ra newe ra ganî bi, têkoşînê cinîyan yeno hedefgirewtene.

Têna welatê ma de nê, heme dinya de bi metodanê cîya cîyayan yeno waştene ke cinîyî biancîyê mîyanê sîstemî. Cinîyê ke têkoşînê azadîye rayra benê ganî îtîfaqanê dahîna xurtan ronê. Ganî cinîyî bêrê têhet û hêzê xo bikerê yew. Wext wextê newera û dahîna hêzdar payan ser wiriştiş o. Jiyano ke tede jin û azadî çînê ma qebul nêkenê."