Koordînasyonê KJKyî  bi beyanatêk seba amadekarîya Kongreya Cinîyan ê Kurdan a 3ine  veng da û nê vatî:

"Sey tevgêrayîşê azadîye ma reyna prosesê girîng vîyarnenê.Tarîxê azadîya cinîyan bi tewirêkê pîlî Kurdîstan de û Rojhelatê Mîyanênî de reyna ganî beno. Naye ra sîstemo serdest  cinîyan, hêzanê demokrasîyî û azadîye ra zaf terseno. Semedo bingeyîn ê polîtîkayanê şîdet û tedaya vera kurdan na ya ke kurdî, bawerîyî, şarî yanî hêzê demokrasîyî û azadîye paşt danê yewbînan. Paradîgmaya azadîye ya Rayber Apoyî bi hawayêkê bitesîrî rayberîya serebûtan kena.  Yewîya kurdan her çi ra giranêr a û stratejîkêr a. Ganî na bêra caardene. Sey cinîyan ma zî ganî Kongreya Cinîyan ê Kurdan a 3ine viraze. Ma ganî rayberîya yewîya kurdan bikê. Bi nê esasî ma venga pêro cinîyan ê kurdan danê ke seba ke ma Kongreya Cinîyan ê Kurdan a 3ine bikê tewrê kombîyayîşê amadekarîye bibê. Kurdan û cinîyan ser o tehlûkeyî hema zî dewam kenê. Naye ra ma venga pêro cinîyan, şaran, bawerîyan, hêzanê demokrasîyî û azadîye danê ke vera Erdoganê faşîstî xebatê dîplomatîkî û çalakîyî ganî hîna zêdêr û hîna rêxistinbîyaye û bitesîrî bêrê kerdene. Erdogano faşîst û hêzê ey hetê hêzanê demokrasîyî û azadîye ra do bêrê çinkerdene"