Koordînasyonê KJKyî de derheqê hêrişê vera cinîyan û operasyonanê îşxalî de  eşkerayîyêka nuştekîye daye û nê pare kerdî:

''Îqîtîdarê AKP-MHPyî tim vera cinîyan komel û cinîyan şer keno. Cinî û domanî yenê qetilkedene û raştê şîdet û tecawuz û tacîzî yenê. Bi operasyonanê qirkerdişî cinîyî yene destbendkerdene û tepiştene. Şero ke  vera cinîyan yeno kedene merkezê şerê taybetî yê mafya-dewlete de yeno rexistinkerdene. No înan bi fekê xo zî vato. Eşkerayîyî Soysuzî yê vera  têgêrayîşê cinîyan ê kurdan û serkêşanê ci  îlanê aktuelkerdişê şerê stratejîkî yê vera cinîyan o. Vakurê Kurdîstanî de qirkerdiş û tecawuzê ke vera cinîyan û domanan yenê kerdene bi destê dewlete benê. Kulturê tecawuzî sey kultur û polîtîkaya dewlete yeno kerdene.  Doman û ciwanan ser o kayê leyminî yenê kaykerdene.

Reyna bi waştişê qesasgirwtişî cenazayanê cinîyan û ciwananê ke têkoşînê azadîye de dinyaya xo bedlnaye ser o keyeyanê ci rê îşkence yeno kerdene. Xoverdayîşê dayîkan ê vera sîstemî şexsê Emîne Şenyaşar de tarîx de bi herfanê zerdinan yeno nuştene. Ma sey cinîyan ê kurdan soz danê seba ke ma layiqê têkoşînê dayîkanê bianoran bi ma do têkoşînê xo pîlêr bikerê û hesabê nê îşkenceyan bipersê.
Qirkerdişê cinîyan wextê janê Korona de zafêr bîyî ke no pabesteyê polîtkayanê îqtîdarî yo. Dewlete paştî danê camêrdîye. Herinda înan cezakerdiş de înan serbest vera dana û ceza dana cinîyan. Tirkîya de têkoşînê hemparî yê cinîyan Pêkerdişê Îsatanbulî fîna dest la no pêkerdişê bi yew talîmatî ame betalkerdene. Reyna xoza zî sey polîtîkaya dewlete yena talankerdene. Ganî cinîyê xoverdayîşê semedê pawitişê xoza de zî vernî de cayê xo bigêrê.

Tecrîdê serê Rayber Apoyî sey sîstemêkî Tirkîya û Kurdîstan de yeno caardene. Seba ke perspektifê Rayber Apoyî peynîya dewlete mafya anê verê ey yeno girewtene. Demo peyên de îtîrafê înanê ke şerî rayra benê tewr hole komel û cinîyê kurdan zanê. Eşkera yeno vînayene ke dewlete xo pê rantê şerî weye kena. Netîceya sîyasetê nerî yê Tirkîya de sîyaset teslîmê çeteyan bîyo. Coka cinîyê ke sîyasetê azadîye rayra benê yenê hedef girewtene. Ma sey cinîyan ganî pêro pîya vera nê sîstemê dişmenê cinîyan têbigêrê. Ganî ma xeta têkoşînê hemparî bimanê. Îtîfaqê AKP-MHPyî yo ke bi têkoşînê cinîyan bîyo zehîf do bi têkoşînê hemparî yê cinîyan birîjo.

Rojawan de tewr peynî de Efrîn de, Şingal de cinîyê ke welatê înan ameyî îşxalkerdene ameyî remnayene, raştê tecawuzî ameyî û bazaran de ameyî rotene,zîndanan de bi îşkenceyan ameyî qetilkerdene û aqibetê bi hezaran cinîyan nêno zanayene. Bi nê hêrişanê îşxalî yê vera Başûrê Kurdîstanî şorişê cinîyan û destkewteyê înan ê Rojawan, Vakur, Rojhilat, Şingal û Mexmûrî yenê hedefkerdene.  Cinî ciwananê ke vera çeteyanê tewr barbaran têkoşîno tewr pîl ê dinya kerd nika vera qirkerdişî Avaşîn, Zap û Metîna de xoverdayîşê bêhempa danê. Xoverdayîşo ke serêkîya cinîya kurde yeno kedene semedê pawitişê ciniyan ê heme dinya yo.

Hukmatê Başûrî vera îşxalê dewleta tirke bêveng o û şarê ke nê protesto keno hêrişê ci keno û tepişeno. Çîyo winayên nêno qebulkerdene. Vera hêrişê îşxalî yê vera Başûrê Kurdîstanî şerê estbîyayîş û anorî yeno dayene. Ganî rêxistinê cinîyan ê Başûrî wayîrê nê xoverdayîş vejîyê. Ganî vera polîtîkayanê hukmatî têkoşîn bikerê û morê xo bidê binê sîyasetî ro.Vera hêrişê îşxalî yê teberî û xeta hemkarîye yê zereyî yê vera kurdan, Yewîya Neteweyîye ya Cinîyan ê Kurdan ya rêxitinkerdîye do bibo cewabo tewr pîl. Vera polîtîkaya dewleta tirke ya qirkerdiş û îşxalî ganî têgêrayîşê cinîyan ê Ewropa reyde têkoşîno dîlomatîk bêro rayraberdene. Ma veng danê heme cinîyan ke wa vera polîtîkayanê qirkerdişê vera cinîyan û kurdan, xespê ekomomî-ekolojî û talankerdişî yê îqtîdarê faşîstî wa têkoşînî pîlêr bikerê.''