Şaristanê Kolnî yê Almanya de semedê paştdayîşê bi şar û cinîyan ê Afganîstanî çalakîyêke ameye kerdene. Çalakîye de ame vatene ke senî ke cinîyan ê kurdan DAÎŞ bin kerd, cinîyê afganî zî eşkenê pê têkoşînî Talîbanî çin bikerê.
Şaristanê Kolnî yê Almanya de semedê paştdayîşê bi şar û cinîyanê Afganîstanî çalakîyêke ameye kerdene. Almanî, kurdî û afganî tewrê çalakîye bîyî. Meclîsê Cinîyan ê Vîyane yê Kolnî zî çalakîye de ca girewt.
Nameyê Meclîsê Cinîyan ê Vîyane ser o Yildize Fîlîmcî qisey kerd û vat: ''Ma sey cinîyan ê kurdan DAÎŞ bin kerd, cinîyê afganî zî eşkenê pê têkoşînî Talîbanî çin bikerê. Ma hişmendîya Talîbanî DAÎŞî ra şinasnenê.''
Qiseykerdişanê bînan de Almanya û pêro welatanê Ewropa ra ame waştene ke asayîşê afganan ca bîyarê.
Koçberanê afganan çalakîye de pare kerd ke ê tedaya Talîbanî ra remayî la heta nika Almanya waştişê înan ê multecîtîye qebul nêkerdo. Rêxistinanê hetkarîye zî tewirê Almanya şermezar kerd.
