Kombîyayîşê Perwerdeyî yê Îdareyanê Cayîyan ê HDP’yî yo ke Wan de yeno viraştene û 2 rojanê verînan de hemşaredarê cînîyî tede ca gênê de qiseykerdişê akerdişî hemşaredara Bajarê Girdî yê WanîBedîa Ozgokçe Ertane û vervatoxa Meclîsê Cinîyan ê HDP’yî Dîlan Dîrayet Taşdemîre kerd.

Qiseykerdişan de bale ameye antene hêrişê hukmatê yê serê HDP û xeta cinîya azade û ame vatene ke îqtîdaro ke sîstemê temsîlîyetê seypêyî hemserkîye ra terseno bi heme hêzê xo hêrişê ci kerd. La ma peyser game nêeşte û  31’ê Adare de heqê ma yê ke bi qeyûman ameyî xespkerdene ma peyser girewtî. Ame vîrîardene ke sîtemê hemserkîye yo ki bi 4 cinîyan dest pêkerd wero resayo 102 cinîyan û ame vatene ke ê do seba ke rayîrê hîrêyinî yê sîyasetî de rolê xo raşt kay bikerê, do xoverdayîş gird bikerê.