Komxebata Cinîyan ê Kurdan ê Ewropa 5ê êlule de do bêra kerdene. Komxebate de îşxalê dewleta tirke yê vera Kurdîstanî, talankerdişê xozaya Kurdîstanî do bêro nîqaşkerdene.

KNK û TJK-E eşkerayîye daye. Eşkerayîye de ame vatene ke vurîyayîşê demografîkî, koçkerdiş, polîtîkayanê asîmîlasyonî reyde benê hedef. Eşkerayîye bale ante ser ke dewletê Ewropa îşxalê Kurdîstanî de hetê Tirkîya de vindenê û ganî cinîyê kurdî vera ney vengê xo berz bikerê.

Komxebate de rewşa cinîyan ê êzidîyî, elewî, feylî, zerdûşt, horamî, yarsan, kakaî û misilmanan do bêra ercnayene, yewîya neteweyî ser o xebatî do bêrê kerdene. Komxebate do pê averberdişê plan, proje û pêşnîyazan biqeda.