Bexdad de bi şîarê ''Ma do bi îradeyê cinîya azade vera qirkerdişî têkoşîn bikerê'' konferasê cinîyan ame organîzekerdene. Konferanso ke bi hemkarîya TAJÊ Ame organîzekerdene serre ra zafêr cinîyî tewrê ci bîyî.

Hêver Endama Komîteya Amadekerdişî Buşra Ebu Eys qisey kerd û vist vîrî ke hîrê hezar cinîyê êzidîyî ameyî qetilkerdene, panc hezar kesî ameyî remnayene, 400 hezar kesan bar kerd şîyî Hewlêr, Duhok û Zaxoyî, hezar 500yî ra zafêr cinîyî bazaranê Sûrîye de raştê tacîzî ameyî û sey koleyî ameyî rotene.

Ebu Eys ard ziwan ke çeteyanê DAÎŞî vera êzidîyan qirkerdiş kerd û vat: ''No sûcê şerî yo. Heme belgeyî mojenenê ke çeteyan semedê çînkerdişê destkewteyanê êzidîyan hêriş kerd. Waştişê ma yê konferansî oyo ke rewşa Iraq û Sûrîye şexsê êzidîyan de bigêrê deste, çeteyê DAÎŞî û kesê ke Parlamentoyê Herêma Kurdîstanî de yê û engişta înan qirkerdişî de est a wa bêrê muhakemekerdene û cezaya xo biancê.''

Dima ra Endama Yewîyanê Cinîyan ê Şingalî Zînda Êzidxan qisey kerd. Êzidxan vat: ''Ewro qirkerdiş dewam keno. Vera şarê êzidîyî yê xoverdayoxî vejîyenê. Rayberîya ma rayîr moja ma û ma do nê rayîr de têkoşîn bikerê. Hêzanê PDK û Iraqî ma têna verdayî. Ma sey şarê êzidî raştê qirkerdişî ameyî. Ma pê hêzê xo xo pawit.''

Bi nameyê Têgêrayîşê Cinîyan ê Kurdan ê Rûsya Juliada zî vat: ''Dişmenî waşt şarê ma çîn bikero la gerîlayan şarê ma xelisna. HPG, YPG û YPJyî şarê ma pawit. Ma reyna bîyê şahîdê xîyanetî ke şarê ma rê ame kerdene. Ma sey cinîyan ê  êzidîyan Rûsya, Ermenîstan û Gurcîstan têkoşînê xo yê neteweyîyî de netîceyê rindî fînayî dest. Ma vînenê ke ma eşkenê bi yewîye û rêxistinbîyayîşî biresê waştişanê xo.''