Koordînasyonê Kongreya Starî serrgêra wefatê ci yê 28. de dadîya Rayberê Şarê Kurdî Abdullah Ocalanî Uveyşe bi eşkerayîyêka nuştekîye yad kerde.

Eşkerayîye wina ya:

''Dayîke Uveyşe sereyê xo vera zulmî nêard war û domanê xo zî nê esasî ser o weye kerdî. A ma rê mîsalêka sereberzîye ya. Aye Rayberê ma ard dinya, weye kerd û sayê ey de ma bi azadî ciwîyenê.

Rayber Abdullah Ocalanî dadîya xo sey homayêke pênase kerde. Rayber Abdullah Ocalanî dadîya xo ra hêz girewt û a xo rê kerd çimeyê hêzê şorişê cinîyan.

Dadîyî mamosta, perwerdekar û roşnvîr ê. Coka wexto ke Rayber Ocallanî qala cuya xo kerdêne kesayetê dadîya xo ardêne ziwan û kesayetê dadîya xo de kesayetê cinîyan ê bihêz û rayberan şîrove kerdêne.

Ma sey Koordînasyonê Kongreya Starî dadîya Uveyşe û pêro dadîyanê haştîye yad kenê û înan rê rehmê Homayî wazenê. Înan îdarekerî ardî dinya ke sayê nê îdarekaran de cinî û şarê herême xelisîyayî.''