Vera operasyonanê îşxalî yê dewleta tirke yê serê Herêmanê Pawitişî yê Medya gerîlayî pê di hemleyanê şorişgêran tarîxî newe ra nusenê. Gerîlaya YJA-Starî Evîndare Zagros xoverdayîşê gerîlayan ê Zap, Avaşîn û Metîna ser o qisey kerd.

Zagrose vat: ''Operasyonî ra verî ma warê Derarê yê Metîna de bîyî. Dişmenî verî war da bombayan ver, ma zî xo amade kerd. Ma hem warê îdeolojîkî hem zî warê leşkerî de amadekarîyê ma zaf xurtî bîyî.

Şewa 23ê nîsane bombardumanêkê xurtî dest pêkerd. Ma sey yewinanê xoseran rolê xo kay kerd. Sey YJA-Starî ma vera helîkopteran şer kerd û ê neçare mendî ke xo apey bigêrê. Ma sey hêzanê YJA-Starî rayîr nêda ke dişmen war de ca bibo.

Xoverdayîşê Metîna xoverdayîşêko bêemsal bi No ma bihêz keno payan ser  o vinderneno. Ma hê vera artêşa tewr pîle ya NATOyî şer kenê. Pê taktîk û metodanê neweyanma do rayîr nêdê ke dişmen Herêmanê PAwitişî yê Medya de ser bikewo. Ma pê bawer ê ke dişmenî çin bikerê. Ma şerê tunelan kenê ke dişmen pê beno gêj.''