Mehkemeya Îdarî ya Berze bire daye ke feshkerdişê Peymana Îstanbulî nêro betalkerdene. Endama Meclîsê Cinîyan ê HDPyî Latîfe Demîrcî Kahya bira mehkeme ANFyî rê ercnaye.

Endama Meclîsê Cinîyan ê HDPyî Latîfe Demîrcî Kahya bi na bire yeno waştene ke verê têkoşînê cinîyan bêro girewtene. Kahya vat: ''Seba ke cinîyî nêwazenê mîyanê sînoranê camêrdan de biciwîyê şîdetî vînenê yan zî kişîyenê. Cinîyî mergî nê çareserîye wazenê. Cinîyê ke têkoşînê haştîye kenê tepişîyenê û yenê muhakemekerdene. Ma seba cuye, kede, ameyox û azadîya xo têkoşîn kenê. Ma sey cinîyan qetî do têkoşînê xo ra fek vera nêdê.''

Kahya dîyar kerd ke Mehkemeya Îdarî ya Berze waşto ke Peymana Îstanbulî wa bêra wedaritene û vat: ''Ma do Peymana Îstanbulî ra fek vera nêdê. Betalkerdişê na peymane yeno manaya zêdîyayîşê şîdetê camêrdan û dewlete. Ma na bira mehkeme nêşinasnenê. Heta nika têgêrayîşanê cinîyan, cinîyanê femînîstan, têgêrayîşê cinîyanê kurdan têkoşînêko hempar kerd û nê têkoşînî rê ê do dewam bikerê.''