Hêrişê îşxalî yê dewleta tirke yê ke 23ê nîsane de vera Başûrê Kurdîstanî ameyî destpêkerdene dewam kenê. Gerîlaya YJA Starî Vîyane Sema Aydina ke warê Avaşînî de têkoşîn kena hêrişê dewleta tirke û xoverayîşê gerîlayan ercnayî.

Vîyane Sema Aydin ard ziwan ke operasyonê ke dewam kenê de dewleta tirke heme îmkananê xo şuxulnena ke vera gerîlayan ser bikewe û vat:''Gerîlayî bi îradeyê pîlî vera nê hêrişan xover dano. Partîya ma partîya şehîdan a, partîya xoverdayîşî ya. Dişmen se keno wa bikero, do nêeşko îradeyê şarê kurdî û gerîlayan bişikno. Sere de Îmrali de xeylêk waran de xoverdayîşê pîlî qewimîyenê. Dişmen rixmê heme îmkananê xo nêeşeno ma çîn bikero. Ma do heta peynî têkoşîn bikerê. Şarê kurdî do miheqeq ser bikewo.''

Gerîlaya YJA Starî wina dewam kerd: ''Warê Avaşînî de bi xoverdayîşê hemrayan Sehrat û Ekînî şerê ma dest pêkerd û no xoverayîş do pê serkewtişî biqedîyo. Sere de embeze Asya, Rûkene, Ekîne, Sarya û embazanê bînan vera hêrişanê dewleta tirke şerêko zehmet rayra ber. Dewleta tirke pê medotanê lemin û wehşîyan wazena îradeyê cinîyan bişikno. Dişmen cinîyan zehîf vîneno la wa nayî çirey xo vîr a mekero; ma mîlîtanê Abdullah Ocalanî yê. Rayber Apoyî bi îrade û têkoşînê xo îradeyê cinîyan aferna. Ma do nê xoverdayîşî bi serkewtişî tacîdar bikerê.''

Aydine vat: ''Cinîyî sey hêzê YJA Starî şerî de rolê aktîfî kay kenê. Heta ke şarê ma kişta ma de bo ma do ser bikewê. Vera ma de têna dewleta tirke nê çeteyê înan zî estê. Dişmen tersî ra nêzdîyê tunelan nêbeno, kamera keno milê kutikan şaweno. Artêşa tirke ya ke tim îdîa kena ke gerîlayan ra nêtersena bi nê tewirî ramojnena ke senî tersena. Tersê înano tewr pîl zî hetê gerîlayêka cinîya ra bêrê kiştene. Wa dişmen bizano ke cinîyî, gerîlayî peyser gamê nêerzenê û bi qerardarîya pîlî şinê înan ser.  No xoverdayîş do bi serkewtişî biqedîyo.''